MANILA, Philippines – Ligtas na sa red tide toxin ang mga shellfish mula sa coastal towns ng Anda at Bolinao sa Pangasinan, ayon sa Bureau of Fisheries and Aquatic Resources sa Ilocos Region (BFAR-1).
Sa advisory na inilabas nitong Huwebes ng gabi, sinabi ng BFAR-1 na batay ito sa laboratory testing ng shellfish samples na nakolekta mula sa dalawang bayan.
“All types of shellfish and Acetes sp. or alamang gathered from the coastal waters of Bolinao and Anda in Pangasinan are now free from toxic red tide and safe for human consumption. Likewise, shellfish harvesting and marketing from these areas are permitted,” ayon sa BFAR-1.
Nauna nang nagpositibo sa red tide toxin ang shellfish samples mula sa Anda at Bolinao noong Enero 15, kaya pinayuhan ang publiko na iwasan ang pangunguha, pagbebenta, at pagkain ng shellfish at alamang upang maiwasan ang paralytic shellfish poisoning. Mary Anne Sapico
