Manila, Philippines – Ang talented na singer na si Andrea Gutierrez ay kilala sa bansag na Bossa Nova Princess.
Bata pa lang ay mahilig na siyang kumanta, kaya hindi nakapagtataka na isa na siyang ganap na recording artist ngayon.
Kuwento ni Andrea, “Bata pa lang po ako mahilig na po talaga akong kumanta. Pero officially po, nag-start po yung singing career ko nang nanalo ako sa Asia’s Best Singing Competition Season-3 noong 2021.”
Ano ang reaction niya sa Bossa Nova Princess na bansag sa kanya?
Tugon ni Andrea, “Honestly po, nakakakaba pero sobrang grateful din po ako na may mga taong nakaka-appreciate ng music ko. Hindi ko po in-expect na matatawag ako as ‘Bossa Nova Princess,’ kaya sobrang happy po ako.
“For me, malaking compliment po siya, and it motivates me to keep growing as an artist and keep sharing my music with everyone.”
Naka-ilang single na siya?
Aniya, “I have two singles po, iyong ‘Naghihintay’ and ‘Mestizong Gwapo’ (latest), plus one Christmas song titled ‘Ngayong Pasko.’ I also revived ‘Walang Kapalit,’ which was personally given to me by Tito Rey Valera.
“Iyong Mestizong Gwapo po is a fun and kilig song about having a crush on a guy who’s super charming and attractive. It’s about being captivated by that guy and na-eexperience mo yung excitement and kilig kapag may crush ka. Iyong song po is relatable siya because I think everyone has experienced that feeling at some point.”
Ano ang kanyang dream concert?
“Dream concert ko po talaga is makasama si Ms. Sitti Navarro. I really admire her bossa nova style and it would be such an honor po to share the stage with her,” sambit pa ni Andrea.
Incidentally, nakakuha ng two nominations si Andrea sa 17th PMPC Star Awards for Music na gaganapin sa Teatrino, Greenhills, sa June 25, 2026.
Ang kategorya na nominated siya ay sa New Female Recording Artist of the Year para sa “Naghihintay” at Christmas Song of the Year para sa kantang “Ngayong Pasko.”
Nagpapasalamat siya at itinuturing ito ni Andrea na malaking karangalan.
“Thankful po… I’m beyond grateful and honored to be nominated po at the PMPC Star Awards for Music. Being nominated with other singers is already a blessing na po. This nomination means a lot to me and super grateful for this opportunity.”
Pahabol pa ni Andrea, “Both of my songs po were composed by Samuel Valdecantos.” Nonie Nicasio
