MANILA, Philippines – Dinala ng Presidential Communications Office (PCO) ang anti-fake news campaign nito sa Association of Southeast Asian Nations (ASEAN) stage, ipinresenta ang estratehiya nito laban sa misinformation at disinformation sa regional media workshop sa Phnom Penh, Cambodia mula Aug. 26 hanggang 27.
Binalangkas ni PCO Assistant Secretary for Private Media Arthur Los Baños ang approach ng Pilipinas sa nasabing workshop na tinawag na “Minimizing the Negative Impacts of Digital Transformation in Traditional Media,” inorganisa ng Ministry of Information ng Cambodia.
Ang Philippine strategy ay ang pinagsamang media partnerships, inter-agency coordination, law enforcement at media literacy.
Ginawang pormal ang kampanya noong Marso 4 sa pamamagitan ng memorandum of understanding sa pagitan ng PCO at siyam na national newspapers para palakasin ang kooperasyon sa paglaban sa false information at protektahan ang integridad ng balita at katotohanan.
Sumunod naman ang iba pang kasunduan noong April 13, pinagsama ang PCO, Department of Justice (DOJ) at Department of Information and Communications Technology (DICT) para palakasin ang ‘monitoring, investigation at prosekusyon ng mga tagapaghatid ng pekeng balita at disinformation.
Ipinresenta rin ni Los Baños ang pagsisikap ng PCO na paghusayin ang kakayahan ng publiko sa ‘critically assess information’ sa pamamagitan ng pagsasanay at workshops para sa mga guro, mamamahayag at government communicators.
“The campaign has also moved into enforcement, with the PCO endorsing eight Facebook accounts and a website to the National Bureau of Investigation (NBI) for investigation over alleged fake news and false information,” ayon sa ulat.
Ang pinakabagong referral, inihain noong Aug. 13, may kinalaman sa Facebook page na nagmumungkahi bilang satirical news platform at isang website na ‘falsely advertising’ ng isang P30,000 Department of Health medical assistance program.
Winika ng PCO na ipagpapatuloy nito ang monitoring at pagre-refer sa mga verified cases ng deliberate disinformation, partikular iyong may kaugnayan sa “public safety, government programs at usapin ng national interest.
Ang two-day workshop, dinaluhan ng mga kinatawan mula sa walong ASEAN member states. (KRIS JOSE)
