Sinabi ni Commodore Noemie Cayabyab na nagsagawa na ng imbestigasyon ang PCG at magsasampa ng mga reklamo sa provincial prosecutor.

Sinabi rin niya na maaari ring makumpiska ang mga produktong petrolyo at ang barkong ginamit sa operasyon.

Naglabas din ang PCG ng enforcement inspection apprehension report na nagsasaad ng posibleng sabwatan sa pagitan ng kapitan ng barko at ng ship owner.

Nabanggit din dito ang pagkabigong maghain ng safety declaration at hindi pagkuha ng PCG clearance bago umalis ng pantalan.

Ayon kay Cayabyab, patuloy ang pagroronda ng PCG sa mga lugar kung saan naiulat ang mga ilegal na fuel transfer, lalo na sa Batangas.

Samantala, nakatagilid pa rin ng halos 30 degrees sa starboard side ang tugboat na SL Suay 1 na sumadsad sa Botolan, Zambales.

Sinabi ni Cayabyab na batay sa underwater inspection ng PCG, walang oil spill at nakasealed ang mga tangke ng barko.

Idinagdag niya na uumpisahan ang salvage operations kapag gumanda na ang lagay ng panahon.

Ani Cayabyab, ang mga ship owner ang karaniwang sasagot sa gastos ng mga salvage operation. Jocelyn Tabangcura-Domenden

The post PCG, kakasa ng kaso vs 8 nahuli sa ilegal fuel transfer sa Batangas first appeared on Remate Online.

Sinabi ni Palace Press Officer at Communications Undersecretary Claire Castro, ang mga reklamo na may kinalaman sa scholarship program ay maaaring i-report sa Liga ng mga Barangay national office, Department of the Interior and Local Government (DILG), Presidential Communications Office (PCO), o Office of the President (OP).

“Ang mga ganyang klaseng reklamo ay wine-welcome natin at tinatanggap natin dahil kailangan talaga ng ayudang ibinibigay ng Pangulo at ng pamahalaan at ng local government units natin ay makarating sa tama,” ayon kay Castro.

Tugon ito ni Castro nang tanungin ukol sa social media post na may kinalaman sa anak ng barangay official na napaulat na nakatangap ng scholarship sa ilalim ng programa.

Gayunman, nagbabala naman si Castro laban sa kaagad na panghuhusga laban sa benepisaryo, sabay sabing ang mga kamag-anak ng barangay officials ay hindi naman awtomatikong disqualified na makatanggap ng tulong subalit kailangan na ma-meet ng mga ito ang requirements na kinakailangan para sa programa.

“Basta deserving at kailangan iyong kanyang requirements bilang deserving student ay naabot. So, iyon lang po naman ang gusto ng Pangulo,” ang sinabi ni Castro.

Aniya pa, ang gobyerno ay mayroong mekanismo para i-screen at pumili ng kuwalipikadong benepisaryo.

Sa ilalim ng criteria ng programa, ang benepisaryo ay kailangan na graduating college students na nanganganib na mag- drop out dahil sa financial difficulties.

Sinabi pa ni Castro, ang mga iskolar ay pinili ng mga opisyal ng barangay kasama ang education committee ng Sangguniang Barangay. ang OP ang nagpapatupad ng programa sa pakikipagtulungan sa Liga ng mga Barangay national office at DILG.

Binigyang diin ni Castro na nais ng Pangulo na ang scholarship program ay umabot sa nararapat na estudyante sa iba’t ibang panig ng bansa, partikular na sa remote communities na nais na makapagtapos ng kanillang pag-aaral subalit kapos sa pinansiyal. (KRIS JOSE)

The post Malakanyang, hinikayat publiko i-report anumang pang-aabuso sa Presidential Scholarship program first appeared on Remate Online.

Siyempre, muli na namang masisilayan ang mga bebot na muling nagpauso ng sexy trend noong 2003 tulad nina Andrea Del Rosario, Maui Taylor, Katya Santos, Sheree, Gwen Garci, Jennifer Lee, Jaycee Parker, Ella V at iba pa.

Umani naman ito ng samu’t-saring reaksyon sa kibitzers nang mapag-usapan sa umpukan ng mga tsismosang kapitbahay.

Ito ang ilan sa kanilang mga hirit.

“Ayaw pakabog sa Sex Bomb Girls.”

“Sabi nila di sila magreunion before.”

“Magkakaldagan sila sa stage siguro.”

“Sila ang OG sa pag ppasexy.”

“May mga tatangkad nanaman lol.”

“Grabe kayo there’s a market for everyone

For sure may following parin sila.”

“Don’t underestimate their male audience malay natin pumatok yan baka mag provincial tour pa sila.” Archie Liao

The post Reunion concert ng Viva Hot Babes, sa October na! first appeared on Remate Online.

Kasabay nito, tuloy-tuloy ang impeachment trial ni Vice President Sara Duterte  kahit suspendido ang trabaho at mananatili ang schedule ng impeachment court.

Parehong inihayag ito ni Senate President Sherwin “Win” Gatchalian matapos suspendihin ng Palasyo ang trabaho sa Kalakhang Maynila ngayon, Agosto 17 at bukas, Agosto 17 at magkaroon ng work-from-home sa tanggapan ng pamahalaan.

Ayon sa lider ng Senado, lubhang nababahala ang Kapulungan sa ilang sunod-sunod na suspensiyon na nakasagabal sa legislative calendar dahil malapit nang simulan ang deliberasyon ng panukalang badyet sa 2027.

“Yes, it’s really a concern. It’s the same with the impeachment proceedings because time is of the essence. When there are days like this when there is no work or an early dismissal, the items on the agenda don’t get discussed,” aniya sa ambush interview.

“Worse comes to worst, we can make Saturdays an option for budget hearings if it’s really necessary,” dagdag ng lider ng Senado.

Sinabi ni Gatchalian na prayoridad ng Senado ang kaligtasan ng lahat partikular ang empleyado ng Senado sa gitna ng walang humpay ng pag-ulan sa ilang bahagi ng bansa partikular sa Kamaynilaan.

Nitong Agosto 17, pinaikli ng Senado ang impeachment trial at regular session sanhi ng pagbugso-bugso ngunit malalakas na buhos ng ulan dulot ng habagat.

Sa advisory na nilagdaan ni Senate Secretary Renato Bantug Jr., inatasan ni Gatchalian ang lahat ng empleyado na umuwi dakong 4 p.m.

Hinggil naman sa impeachment trial ni  Vice President Sara Duterte, sinabi ni Gatchalian na mananatili ang schedule ng paglilitis sa umaga simulas alas diyes hanggang alas dos ng hapon.

“As we go along, we will monitor whether additional days or longer hours will be needed. So far, everything is okay. We’ll take it day by day since we cannot predict the weather,” aniya.

Kaugna nito. tinabla naman ni Impeachment court spokesperson Atty. Regie Tongol, ang posibilidad na magsagawa ng virtual impeachment hearing na hindi nakatakda sa ilalim ng impeachment rules.

“Even in ordinary courts, this is done only by exception. Before a video conferencing hearing can be allowed, either party must file a motion and provide a reasonable or justifiable reason why an online or virtual hearing is necessary,” ayon kay Tongol sa press conference.

“So, if the impeachment court follows the same approach, a motion would likely need to be filed. A justifiable reason and a legal basis would also need to be presented to warrant allowing an online hearing,” dagdag niya. Ernie Reyes

The post Budget hearing, gagawin tuwing Sabado, impeachment trial tuloy – Gatchalian first appeared on Remate Online.

Inanunsyo ito ni Labor Sec.Francis Tolentino sa ginanap na Ibalong Job Fair.

Ayon kay Tolentino, makikipagtulungan ang Department of Labor and Employment (DOLE) sa Office of the Solicitor General para aksyunan ang utos ng Pasig City Regional Trial Court Branch 152.

Nauna nang naglabas ang korte ng temporary restraining order laban sa Wage Order No. NCR-27 matapos ikwestyon ito ng dalawang construction company.

Sumunod dito ang paglalabas ng writ of preliminary injunction, kaya nanatiling naka-hold ang umento sa sahod.

Nasa Wage Order ang P85 na dagdag sa daily minimum wage sa Metro Manila, na liipatutupad sa dalawang tranche.

Ang unang P60 ay dapat magsimula noong Hulyo 25, at ang kasunod na P25 ay sa Enero 20, 2027.

Dumalo rin si Tolentino sa TULONG PANGHANAPBUHAY SA ATING DISADVANTAGED/DISPLACED WORKERS (TUPAD) orientation sa Embarcadero sa Legazpi kasama sina Ako Bicol Party List Rep. Alfredo Garbin Jr. at Mayor Hisham Ismail.

Sinabi ng kalihim na magsasagawa ang DOLE ng job fairs kada buwan sa iba’t ibang bahagi ng bansa para makatulong na bawasan ang unemployment at makapagbigay ng mas maraming oportunidad sa mga naghahanap ng trabaho.

Hinimok din niya ang mga pribadong kumpanya na gumawa ng mga employment opportunities para sa mga job seeker.

Sinabi rin ni Tolentino na palalakasin ng gobyerno, katuwang ang Technical Education and Skills Development Authority (TESDA), ang mga upskilling at retraining program para i-match ang skills ng mga manggagawa sa mga available na trabaho. Jocelyn Tabangcura-Domenden

The post DOLE maghahain ng motion for reconsideration sa P85 wage hike sa NCR first appeared on Remate Online.

Sa simula ng committee-level deliberations sa budget  kasama ang Development Budget Coordination Committee (DBCC), iginiit ni Suansing na mananatiling bukas sa publiko ang bawat hakbang sa pagbalangkas ng budget.

“Ipapakita kung saan napupunta ang bawat piso ng buwis na mula sa dugo at pawis ng bawat Pilipino,” ani Suansing.

Aniya, ang pagbabagong sinimulan noong nakaraang taon dulot ng flood control corruption scandal ay lalo pang pagbubutihin para sa 2027 budget cycle.

Kabilang sa mga repormang patuloy na ipatutupad ay ang mga sumusunud:

Abolisyon ng “Small Committee”:-  Tinanggal na ang dating lihim na komite at pinalitan ng Budget Amendments Review Sub-committee (BARSc).

Live-streamed at Line-by-Line Amendments kung saan lahat ng deliberasyon ng BARSc, committee hearings, at plenary sessions ay ipapalabas nang live, kung saan makikita ang bawat pagbabago nang line-by-line.

People’s Budget Review,  mas pinalakas na partisipasyon ng Civil Society Organizations (CSOs) sa pagsusuri ng pondo.

Bicameral Openness o pagbubukas at pag-livestream sa anim na araw na Bicameral Conference Committee proceedings para sa transparency.

Binigyang-diin ng mambabatas na ang ₱7.2 trilyon spending plan para sa 2027 ang pinakamalaking pondo sa kasaysayan ng bansa, kaya nararapat lamang na ibalik sa gitna ng proseso ang mismong mamamayang Pilipino. Gail Mendoza

The post Deliberasyon ng 2027 budget, patuloy magiging transparent – Rep. Suansing first appeared on Remate Online.

Iginiit ni Presidential Communications Office (PCO) Undersecretary at Palace Press Officer Claire Castro na hindi kailanman naging bahagi ang “leadership fund” ng budget na nilagdaan ng Pangulo upang maging ganap na batas.

“Kung mayron man silang pag-uusap among themselves dito sa DPWH, hindi po ito kailanman naging programa ng  Pangulo. At hindi po nakalagay ang ‘leadership fund’ sa GAA [General Appropriations Act]. Iyan din po ang itinanong natin mismo sa DBM [Department of Budget and Management]. Wala pong leadership fund dito sa GAA,” ayon kay Castro.

Tinukoy ang di umano’y kamakailan na pakikipag-usap kay Pangulong Marcos, sinabi ni Castro na na sa tuwing nakikipag-usap ang Pangulo kay Bonoan at humingi ng report, partikular na tinatanong ng Pangulo ang tungkol sa proyekto na labis na kailangan sa isang partikular na lugar.

“Ang utos nga niya ay dapat maging maayos ang lahat ng proyekto. Ayaw kong sabihing pinagalitan si Secretary Manny Bonoan, pero noong huli kaming nag-usap ng Pangulo sa mukha niya, iyon ang gusto niyang sabihin kay Secretary Manny Bonoan ‘ayusin mo ang trabaho,” ang winika ni Castro.

Samantala, sinabi pa ni Castro na wala pang pag-uusap kung ikokonsiderang state witness si Bonoan.

“Depende na po iyan sa korte, depende na po iyan sa prosecution, sa Ombudsman, sa state prosecutors, pero hindi po napag-uusapan ang patungkol sa isyu kugn kinakailangang maging state witness si Secretary Manny Bonoan,” ang tinuran ni Castro. (KRIS JOSE)

The post Malakanyang, muling iginiit na ‘di alam ni PBBM ‘leadership fund’ ng mga senador first appeared on Remate Online.

“Her office sent in a letter this morning. Medical leave from 17 to 19 August,” pahayag ni Bantug.

Hindi dumalo si Legarda sa impeachment trial ni Vice President Sara Duterte at sa mga sesyon ng Senado mula Agosto 3. Unang nag-file ang senador ng medical leave mula Agosto 3 hanggang 5, at muli mula Agosto 11 hanggang 12.

Samantala, iniimbestigahan ng Office of the Ombudsman sina Legarda, kanyang anak na si Batangas First District Rep. Leandro Leviste, at dating Energy Secretary Alfonso Cusi dahil sa alegasyon ng graft at plunder kaugnay ng umano’y ghost solar projects na nagkakahalaga ng mahigit P10 bilyon.

Itinanggi na ni Legarda ang mga alegasyon at tinawag itong “utterly false and baseless.”

Hiniling din niya noon sa publiko na huwag agad gumawa ng konklusyon na nag-uugnay sa kanyang pagbiyahe sa mga alegasyong kinakaharap niya.

Wala pa namang bagong pahayag ang kanyang tanggapan tungkol sa pagpapalawig ng kanyang medical leave ngayong linggo. RNT/MDS

The post Legarda, naka-medical leave gang Agosto 19 first appeared on Remate Online.

Sa ulat ni PLTCOL Nelson Sardin, hepe ng Pandi police station, kinilala ang mga suspek na sina alyas “Jr”, alyas “Riane” at alyas “Bri” kapwa residente ng Brgy. Mapulang Lupa.

Ayon sa ulat, nagsasagawa ng checkpoint ang mga tauhan ng istasyon nang makatanggap ng radio call hinggil sa nagaganap na riot sa nasabing lugar.

Agad rumesponde ang mga pulis katuwang ang mga Brgy. Tanod sa lugar hanggang salubungin sila ng isang lalaki na nasuntok umano ng isang alyas “Bri”.

Dahil dito, inaresto ng mga pulis si alyas “Bri” habang sina alyas “JR” at alyas “Riane” na umanoy humarang at nanghimasok sa proseso ng pag-aresto ay hinuli rin.

Sinasabing dahil sa pagdami ng mga taong nakikialam sa pag-aresto ay agad dinala ang mga suspek sa istasyon para sa kanilang kaligtasan at kaukulang dokumentasyon.

Sa isinagawang body search, dalawang heat-sealed transparent plastic sachets ng hinihinalang shabu ang nakumpiska umano kay alyas “Jr” na nasa 10 gramo at may halagang P68,000.

Isinagawa ang inventory ng mga nakumpiskang ebidensya sa presensya ng isang halal na opisyal ng barangay at kinatawan ng media.

Ipinaalam din sa mga suspek ang kanilang mga karapatang konstitusyonal habang inihahanda na rin ang mga kaukulang kaso laban sa kanila. (Dick Mirasol III)

The post Durugista, nanapak, pakialamera dinakma sa Pandi riot first appeared on Remate Online.