MANILA, Philippines — Inihayag ng Department of Social Welfare and Development (DSWD) ngayong Biyernes na handa itong magbigay ng agarang tulong sa mga residenteng maaapektuhan ng panibagong pagputok ng Bulkang Kanlaon.
Ayon kay Assistant Secretary Irene Dumlao ng DSWD Disaster Response Management Group, nakipagpulong ang City Action Team ng Negros Island Region sa Local Disaster Risk Reduction and Management Office at City Social Welfare and Development Office upang palakasin ang contingency planning at tukuyin ang mga posibleng evacuation centers.
“The DSWD NIR City Action Team (CAT) of Canlaon had a meeting with the LDRRMO (Local Disaster Risk Reduction and Management Office) and CSWDO (City Social Welfare and Development Office) yesterday (Thursday). The meeting focused on contingency planning, and identification of potential evacuation centers. Nagkaroon na rin po ng assignment of roles and responsibilities ang bawat concerned agencies para po masiguro na mabilis ang pag responde natin sakaling lumala pa itong aktibidad ng bulkang Kanlaon,” ani Dumlao.
Nagtala ang Bulkang Kanlaon ng moderately explosive eruption noong Huwebes ng hapon na tumagal ng dalawang minuto, na sinundan ng ash emission sa loob ng halos 40 minuto at nagbuga ng abo na umabot sa 2,000 metro taas mula sa crater.
Ayon sa Negros Occidental Provincial Disaster Risk Reduction and Management Office, nakaranas ng ashfall at sulfuric odor ang 40 kalapit na barangay, kabilang ang Bago City, Moises Padilla, La Carlota City, Pontevedra, La Castellana, Hinigiran, at Valladolid. Wala namang naitalang ashfall sa Canlaon City sa Negros Oriental at San Carlos City sa Negros Occidental.
“Through our Field Office NIR, we are closely coordinating with the Office of Civil Defense (OCD) NIR. There’s already an advice to conduct preemptive evacuation within the 4 to 6-kilometer danger zone. Some of the LGUs already deployed emergency response teams in high-risk areas. In Canlaon City, there are rescue vehicles deployed in pick-up points in Barangays Pula and Masulog that will cater those who wish for preemptive evacuation,” ani Dumlao.
Sinabi ng DSWD na nakapaghanda na ito ng 223,608 family food packs, 10,549 ready-to-eat food boxes, 16,264 non-food items, at 1,225 iba pang relief supplies para sa agarang pamamahagi sa mga maaapektuhang pamilya. Santi Celario
