MANILA, Philippines – Nasagip ng National Bureau of Investigation-Human Trafficking Division (NBI-HTRAD) ang isang menor de edad na babae sa pang-aabuso online at sexual exploitation sa Bacoor, Cavite.
Ayon sa NBI, nakatanggap ito ng impormasyon o reklamo mula sa Federal Bureau of Investigation (FBI) sa pamamagitan ng Philippine Internet Crimes Against Children Center (PICACC) kaya agad itong tinutugnan ng NBI-HTRAD para sa imbestigasyon kung saan tinuturuan umano ng isang dayuhan na tinuturuan ang biktima sa pakikipagtalik.
Ang mga larawan at videos naman ay ipinapakalat at ipinamamahagi sa online.
Sa mabilis na pagkilos ng NBI, natunton ang kinaroroonan ng biktima sa ikinasang survellaince sa pakikipagtulungan ng NBI-Cavite North District Office (CAVIDO-North), at agad nakipag-ugnayan na rin sa Department of Justice –Inter Agency Council Against Trafficking (DOJ-IACAT), DOJ National Coordination Center against Online Sexual Abuse or Exploitation of Children and Child Sexual Abuse or Exploitation Materials (NCC-OSAEC-CSAEM), City Social Welfare and Development(CSWD)-Cavite, at Cavite Police Office.
Dahil naman sa pakikipagsawatan para mapariwara ang biktima, isinama sa reklamo ang kaanak nito na ipinagharap ng reklamong paglabag sa Republic Act 11930 (Anti-Online Sexual Abuse or Exploitation of Children (OSAEC) at Anti-Child Sexual Abuse or Exploitation Materials (CSAEM) Act,” kaugnay ng RA 10175 (Cybercrime Prevention Act of 2012). Jocelyn Tabangcura-Domenden
