MANILA, Philippines – Ibinahagi ni House prosecutor Terry L. Ridon ng Ako Bicol Party-list nitong Biyernes, Hunyo 12, na ang bagong ebidensya sa impeachment case laban kay Vice President Sara Duterte ay tututok sa mga asset na umano’y pagmamay-ari nito at ng kanyang asawa na hindi idineklara sa Statements of Assets, Liabilities and Net Worth (SALNs) mula 2007 hanggang 2024.
“These pieces of evidence involve properties of the Vice President and her husband that appear in the records of a particular government agency but were not listed in her SALN submissions in any year,” ani Ridon.
“From 2007 to 2024, these properties were not declared,” dagdag pa niya.
Ang mga disclosure na may kaugnayan sa article of impeachment sa umano’y hindi maipaliwanag na yaman, na isa sa apat na reklamo laban kay Duterte ay naipasa na ng Kamara sa Senado.
Ani Ridon, ang ebidensya ay hindi naipresenta sa pagdinig ng House Committee on Justice at ipakikilala sa pretrial stage.
“This evidence was not presented during the proceedings before the Justice Committee. It is entirely new,” sinabi ni Ridon.
“So it will be included during pretrial,” dagdag niya.
Iginiit ng mambabatas na ang prosecution panel ay maaaring magpresenta ng mga dagdag na ebidensya bago ang pagsasara ng pretrial proceedings basta’t susuporta ito sa umiiral na articles of impeachment.
“There is nothing that prohibits the prosecution panel from presenting new evidence up to the pretrial proceedings,” anang mambabatas.
“If it serves to prove the grounds stated in the articles of impeachment,” dagdag pa.
Inaasahang ibabahagi ng House prosecution panel ang mga detalye ng ebidensya sa pretrial brief nito, na tutukoy ng mga dokumento at witness na ipipresenta sa impeachment court.
“By next week, this will already be included in the pretrial brief, so it will be disclosed with particularity,” sinabi ni Ridon.
“As long as it is allowed by the Senate impeachment court and is relevant and material to what either the prosecution or the defense seeks to prove,” dagdag ni Ridon.
Itinuro ni Ridon si House prosecutor Manila Rep. Joel Chua na siyang kumalap ng mga bagong ebidensya.
“To reiterate what was announced yesterday, there is new evidence that will be presented during the pretrial proceedings. The one who came up with this evidence for the entire impeachment prosecution panel is none other than Cong. Chua,” sinabi ni Ridon.
Ang investigative efforts ni Chua ang nagresulta umano sa pagkakadiskubre ng mga materyales na magpapalakas sa kaso ng prosekusyon sa oras na magsimula ang trial proceedings.
