Home NATIONWIDE Bagong MCIA runway ‘pasilip’ sa airport dev’t; 15 pa ina-upgrade – PBBM

Bagong MCIA runway ‘pasilip’ sa airport dev’t; 15 pa ina-upgrade – PBBM

MANILA, Philippines- Sinabi ni Pangulong Ferdinand Marcos Jr. na ang inagurasyon ng bagong runway sa Mactan-Cebu International Airport (MCIA) ay isa lamang “snapshot” ng commitment ng gobyerno sa infrastructure development.

Winika pa ng Pangulo na may planong i-upgrade ang 15 pang paliparan sa buong bansa.

“It’s only a snapshot of all the exciting things that are happening in our airport infrastructure. It is part of our broader vision to advance the development of our country’s infrastructure,” ang sinabi ni Pangulong Marcos sa isinagawang pagpapasinaya ng MCIA alternate runway sa Lapu-Lapu City.

“This vision is anchored in the principles of good governance and a collective desire to uplift the lives of our people—recognizing that progress in connectivity translates to progress in opportunities,” dagdag niya.

Sinabi ng Pangulo na ang Aviation Infrastructure Program ay makakukuha ng P7.7 billion ngayong taon para sa pag-upgrade ng 15 paliparan pa sa buong bansa.

Layon ng gobyerno na gawing modernisado, gawing mahusay ang connectivity, at makakuha ng state-of-the-art navigational equipment.

“Through this program, we can construct, rehabilitate, and enhance runways, taxiways, ramps, control towers, passenger terminals, while at the same time acquiring state-of-the-art navigational equipment,” ayon sa Punong Ehekutibo.

Tinuran pa ng Pangulo na ang bagong MCIA runway, ang natatanging parallel runway sa Pilipinas, ay isang “bold leap forward” dahil makatutulong ito na mapahusay ang “competitiveness, connectivity, at capacity” ng Cebu province para sa mga papasok na bisita.

“There really is something special about Cebu. It’s a place where history and progress come together very gracefully, where tradition converges with innovation, and where the grit and tenacity of its people shine brightly in every achievement,” giit ng Pangulo.

“This new runway at the Mactan-Cebu International Airport reflects the very essence of Cebu: it is dynamic, promising, and always ready to take on challenges. And just as Cebu has been a center of trade and tourism, this parallel runway symbolizes the unrelenting drive to connect, and to grow, and to lead,” patuloy niya.

Sa ulat, ang alternate runway ay isang 2.56-km. infrastructure project na idinisenyo para tugunan ang tumataas at umiigting na air traffic demand at i-accommodate ang mga pasahero at cargo volumes, tiyakin ang “uninterrupted airport operations” sa panahon ng emergencies, maintenance at runway closures.

Kamakailan, iniulat ng MCIA Authority ang ‘remarkable milestone’ noong 2024, nalampasan kasi ng airport ang 11.3 million passengers, nagmarka ng 13-percent growth sa domestic travelers at isang 12-percent increase sa international passengers.

Binigyang-diin ni Pangulong Marcos ang kahalagahan ng public-private partnerships (PPP) sa pagpapatupad ng airport projects.

Sinabi pa ng Pangulo na ang flagship PPP projects ay mahalaga sa pag-develop ng gateways ng bansa.

Tinuran pa nito ang nilagdaang concession agreements para sa Bohol-Panglao International Airport at Laguindingan International Airport PPP projects na naglalayon na itaas ang kapasidad ng pasahero at gawing maayos ang mag pasilidad.

“As we look into the future, let us remember that endeavors such as these are the stepping stones to a nation ready to take on unparalleled heights,” wika ng Pangulo. Kris Jose