MANILA, Philippines – Oordinahan sa Pebrero 25 si Rev. Fr. Rufino Sescon Jr., ang bagong itinalagang Obispo ng Balanga.
Sa anunsyo nitong Sabado, Pebrero 1, sinabi ng Archdiocese of Manila – Office of Communications na ang episcopal ordination ay gaganapin sa Pebrero 25 sa Manila Cathedral sa Intramuros.
Pangungunahan ni Lingayen-Dagupan Archbishop Socrates Villegas ang ordinasyon at lalahukan nina Antipolo Bishop Ruperto Santos at Cubao Bishop Emeritus Honesto Ongtioco.
Inaasahan na lalahukan din ni Apostolic Nuncio to the Philippines, Archbishop Charles John Brown, ang kaganapan.
Si Manila Archbishop Cardinal Jose Advincula naman ang maghahatid ng homily.
Noong Enero ay inanunsyo ng Vatican ang appointment ni Sescon.
Bago ang pagkakatalaga, siya ay rector ng Minor Basilica and National Shrine of Jesus Nazareno (Quiapo Church) sa Maynila. RNT/JGC