MANILA, Philippines – Iniulat ng Criminal Investigation and Detection Group (CIDG) nitong Sabado, Pebrero 1 ang pagkakakumpiska sa mga ebidensya na nagkakahalaga ng P97,247,577.68 sa mga operasyon noong Enero.
Kasama sa mga ebidensya ay ang 1,311 round ng iba’t ibang ammunition, 139 armas at anim na pampasabog.
Idinagdag pa na nagsagawa ang CIDG ng 1,078 operasyon na nakatutok sa pag-aresto sa wanted persons, counterfeiting, environmental crimes, illegal gambling, illegal liquified petroleum gas (LPG) manufacturing, loose firearms and explosives at smuggling.
Sa naturang mga operasyon, naaresto ng CIDG ang 1,177 wanted persons, at nakapaghain ng 149 criminal complaints sa National Prosecution Service.
“It is important that we account and confiscate all loose firearms so that these will not be used as instruments of crime for the incoming election,” saad sa pahayag ni CIDG Director Brig. Gen. Nicolas Torre III. RNT/JGC