Bagyo sa labas ng PAR minomonitor ng PAGASA

MANILA, Philippines – Minomonitor ng PAGASA ang isang tropical cyclone na nasa labas ng Philippine Area of Responsibility.

Sa huling bulletin, ang tropical depression ay namataan 900 kilometro timog kanluran ng southwestern Luzon.

Taglay nito ang lakas ng hangin na 55 kilometro kada oras at pagbugso na hanggang 75 kilometro kada oras.

Kumikilos ito sa direksyong pa-silangan hilagang-silangan sa bilis na 15 kilometro kada oras.

Sa oras na pumasok sa PAR ay tatawagin itong Romina. RNT/JGC