Balitang nakulong si Arnel, fake news!

Manila, Philippines- Wala talagang pinipiling bibiktimahin ang fake news.

Ang latest victim ay ang lead vocalist ng Journey na si Arnel Pineda.

Ayon sa kumalat na fake news, hinatulan ng life imprisonment o habambuhay na pagkakulong si Arnel sa kasong pang-aabuso.

Hinimatay o nag-collapse pa raw ito nang ibaba ang hatol ng korte sa San Francisco, California.

Kaagad na nag-react ang mga netizens na tila kumagat sa pekeng balita.

“Do the math,” reaksyon ni Arnel bilang tugon sa netizen.

To disprove na wala itong katotohanan, kagyat na nagpost si Arnel ng larawan ng skyline sa Metro Manila.

Ibig sabihin, wala siya sa Amerika kundi narito sa Kalakhang Maynila “enjoying the unfiltered sights in the city” ngayong kasagsagan ng init.

Makikita sa YouTube ang in-upload na fake news, na mabuting nabigyan agad ng linaw ni Arnel. Ronnie Carrasco III