MANILA, Philippines – Natuklasan na kahit “nagtatago” at hindi pumapasok sa sesyon ng Senado o mismo sa gusali, nakapaghain si Senador Ronald “Bato” Dela Rosa ng apat panukalang batas na hindi magagawa kundi siya mismo ang lumagda sa dokumento.
Base sa Rules of the Senate, kailangan personal na lagdaan ng isang mambabatas ang anumang panukalang batas, resolusyon o committee report upang maging ganap na substance ng isang dokumento sa Lehislatura.
Naunang natuklasan din sa Senado na nakalagda si Dela Rosa sa isinumiteng “minority report” hinggil sa imbestigasyon ng Senate Blue Ribbon Committee na naunang pinamunuan ni Senador Rodante Marcoleta.
Ngunit hindi binigyan ng bigat ni Senate President Pro-Tempore Panfilo Lacson ang “minority report na nilagdaang ng walong miyembro ng minorya bukod kay Minority Leader Alan Peter Cayetano.
Natuklasan sa website ng Senado, na nakapaghain si Dela Rosa ng apat na panukala batas na may lagda nito, na sumusunod:
1. Senate Bill No. 166 – Integrated Urban Agriculture Act o An Act Promoting Integrated Urban Farming To Address Food Security Concerns And Livelihood Opportunities And Appropriating Funds Therefor
Filed: January 13, 2026
Author: DELA ROSA, RONALD “BATO”
Primary Committee: AGRICULTURE, FOOD AND AGRARIAN REFORM
Secondary Committee: FINANCE
2. Senate Bill No. 1665 – Amending Art. 156, 223 And 224 Of Act No. 3815 (The Revised Penal Code) o An Act Providing For Higher Penalties For Delivery Of Prisoners From Jail And Infidelity In The Custody Of Prisoners, Amending For The Purpose Articles 156, 223 And 224 Of Act No. 3815, Otherwise Known As The Revised Penal Code, As Amended
Filed: January 13, 2026
Author: DELA ROSA, RONALD “BATO”
Primary Committee: JUSTICE AND HUMAN RIGHTS
3. Senate Bill No. 1664 – Traffic Safety Education Act O An Act Institutionalizing Road Safety And Traffic Education For Children And Youth, And For Other Purposes
Filed: January 13, 2026
Author: DELA ROSA, RONALD “BATO”
Primary Committee: BASIC EDUCATION
Secondary Committee: FINANCE
4. Senate Bill No. 1663 – Cumpulsory Age Of Retirement Of The Philippine National Police O An Act Increasing The Cumpulsory Age Of Retirement For Officers And Non-Officers Of The Philippine National Police From Fifty-Six (56) Years Old To Fifty-Seven (57) Years Old, Amending For The Purpose Section 39 Of Republic Act No. 6975, Otherwise Known As The Department Of The Interior And Local Government Act Of 1990, As Amended
Filed: January 13, 2026
Author: DELA ROSA, RONALD “BATO”
Primary Committee: PUBLIC ORDER AND DANGEROUS DRUGS
Dahil dito, hiningi ng media ang opinion ni Senate President Vicente Sotto III hinggil sa paghahain ng panukalang batas ni Dela Rosa kahit nakaliban ito o hindi nagpapakita sa senado simula noong Nobyembre 2025 nang sumiklab ang sinasabing warrant of arrest mula sa International Criminal Court (ICC) sa kasong Crimes Against Humanity.
“I’ll try to find out. Precisely my question duon sa minority opinion nila na nagpanggap na report,” ayon kay Sotto.
Nitong Lunes, binanggit sa unang pagbasa ang naturang panukalang batas, alinsunod sa itinakda ng Rules of the Senate. Ernie Reyes
