Home HOME BANNER STORY Bestlink College iimbestigahan ng CHED sa unauthorized off-campus activity

Bestlink College iimbestigahan ng CHED sa unauthorized off-campus activity

MANILA, Philippines – Nag-isyu ng show cause order ang Commission on Higher Education (CHED) nitong Lunes, Enero 27, laban sa Bestlink College of the Philippines kasunod ng isang out-of-town activity na naglagay sa alanganin sa kapakanan ng mga estudyante.

“A show cause order will be issued against Bestlink College for conducting off-campus activity without submitting the required documents with CHEDRO-NCR (Regional Office-National Capital Region),” pahayag ni CHED Chairperson J. Prospero de Vera III.

Nag-viral kasi sa social media ang mga post ng mga estudyante na nakaranas umano ng “disorganized, overheated, or unavailable transportation, no accommodation, and extreme exhaustion” kasabay ng off-campus founding anniversary celebration.

Nauna nang hinimok ng lokal na pamahalaan ang education institutions na isaprayoridad ang kaligtasan ng mga estudyante at siguruhin ang responsableng pagpaplano ng large-scale events matapos na ang naturang aktibidad ay nagdulot ng “severe traffic disruptions and serious safety concerns.”

Wala pang pahayag ang Bestlink College of the Philippines sa naturang isyu. RNT/JGC