Big-time oil price hike nakaamba sa sunod na linggo

MANILA, Philippines- Asahan na ng mga motorista ang mas mataas na presyo ng produktong petrolyo sa susunod na linggo.

Batay sa oil trading sa nakalipas na apat na oras, sinabi ni Department of Energy-Oil Industry Management Bureau Director III Rodela Romero na posibleng tumaas ang presyo kada litro ng gasolina, diesel, at kerosene.

Narito ang estimated adjustments:

• Gasolina – P0.90 hanggang P1.20 kada litro

• Diesel – P1.20 hanggang P1.40 kada litro

• Kerosene – P1.10 hanggang P1.30 kada litro

Sinabi ng Energy official na ang resulta ng trading ngayong Biyernes “would determine the final [price] adjustments.”

Karaniwang inaanunsyo ng mga kompanya ng langis ang price adjustments tuwing Lunes, na ipinatutupad naman kinabukasan. RNT/SA