Binata utas sa pick-up truck

LA UNION- Patay ang isang 17-anyos  na lalaki matapos  bumangga ang minamaneho nitong Yamaha  Super X-1 motorcycle sa Isuzu Dcab Pick-up.

Nangyari ang aksidente  bandang alas-11:45 kagabi, Disyembre 12, sa McArthur Highway sa Brgy. San Benito Sur, Aringay, La Union.

Ayon sa mga awtoridad, ang driver ng motorsiklo at ang 35-anyos na driver ng Isuzu Dcab pick-up ay parehong residente ng Caba, La Union.

Nabatid na bumibiyahe ang motorsiklo papuntang timog sa naturang highway.

Pagdating nito sa pinangyarihan ng insidente, biglang pumasok  sa McArthur Highway ang pick-up na nagresulta sa banggaan ng dalawang sasakyan.

Dahil dito, nagtamo ng sugat sa iba’t ibang parte ng katawan at agad na isinugod sa La Union Medical Center sa Agoo, La Union.

Gayunman, ang driver ng motorsiklo ay idineklarang dead-on-arrival ng umatending doktor.

Hindi naman nasaktan sa naturang insidente ang driver ng Isuzu Dcab pick-up. Rolando S. Gamoso