MANILA, Philippines – Nagdesisyon ang House prosecution panel sa impeachment trial ni Vice President Sara Duterte na ilaglag na ang bribery charge para maabot ang timetable nito sa pagpresenta ng ebidensya, ayon sa panel member at Bukidnon Rep. Jonathan Keith Flores nitong Linggo, Oktubre 11.
“The only reason is the timetable. That’s really what we’re looking at. We want to finish this week because we’re about to go on a one-month break. We want the defense to begin after the break so the proceedings can continue smoothly,” sinabi ni Flores sa panayam ng DZBB.
Noong nakaraang linggo ay inanunsyo ni Flores na nagdesisyon ang prosekusyon na ilaglag na ang Article III ng Articles of Impeachment, na naglalaman ng bribery allegations laban kay Duterte, at inabisuhan ang Senate Impeachment Court na tatapusin na nito ang pagpresenta ng mga ebidensya sa Article II.
Ani Flores, ang huling witness ng prosekusyon ay ang abogadong si Alexander Cabrera, financial forensic analyst, na inaasahang pagtutugmain ang tax at financial records ni Duterte at asawa nitong si Atty. Manases Carpio.
“So far, we believe the other articles have been sufficiently established and can stand on their own without the bribery article having to be tried before the impeachment court,” sinabi ni Flores.
Dagdag pa niya, naghahanda na ang prosekusyon sa pagpresenta ng ebidensya ng depensa.
Kasalukuyang dinidinig ng Senate Impeachment Court ang Article II ng Articles of Impeachment, patungkol sa alegasyon ng unexplained wealth ni Duterte. RNT/JGC
