MANILA, Philippines – Niyanig ng magnitude 5.5 na lindol ang Cagwait, Surigao del Sur nitong Sabado ng gabi, Oktubre 18.
Ayon sa Philippine Institute of Volcanology and Seismology (PHIVOLCS), ang lindol ay tumama 8:31 ng gabi at may lalim na 31 kilometro.
Naitala ang epicenter nito sa layong 14 kilometro timog-silangan ng Cagwait.
Iniulat naman ang mga sumusunod na intensity:
Intensity IV- City of Bislig, Cagwait, at Marihatag, Surigao del sur
Intensity III – City of Mati, Davao Oriental; Prosperidad, Agusan del Sur; Hinatuan, Tagbina, at City of Tandag, Surigao del Sur
Intensity II – City of Cagayan de Oro; Mabini, at Maco, Davao de Oro; Malita, Davao Occidental
Intensity I – City of Davao
Itinuturing ng PHIVOLCS ang lindol bilang aftershock ng magnitude 6.0 na lindol na tumama naman 13 kilometro mula sa General Luna, Surigao del Norte noong Biyernes. RNT/JGC
