Batay sa DHSUD (Department of Human Settlements and Urban Development) Memorandum Circular No. 2024-006, ipinagbabawal sa mga HOA (homeowners association) na harangin ang mga delivery rider at utility service provider sa pagpasok sa subdivision o singilin sila ng gate fee, toll o anomang katulad na bayarin habang naghahatid ng mga produkto at serbisyo na inorder ng mga residente.

Alinsunod din ito sa Republic Act No. 9904 o Magna Carta for Homeowners and Homeowners’ Associations.

Gayunman, hindi nangangahulugang walang karapatang magpatupad ng mga patakaran ang HOA. Maaari pa rin itong magtakda ng mga hakbang para sa seguridad ng mga residente, gaya ng pag-iwan ng identification card, pagpaparehistro sa logbook at iba pang makatwirang pamamaraan upang matiyak ang pagkakakilanlan ng mga pumapasok.

Ang hindi pinapayagan ay ang paniningil para lamang makapasok at maihatid ang inorder ng residente.

Paano naman ang mga sasakyang naghahatid o sumusundo ng pasahero?

Ang paghatid at pagsundo ng pasahero ay maituturing na pagbibigay ng serbisyo. Dahil malinaw na binabanggit sa naturang regulasyon ang paghahatid ng mga produkto at serbisyo, may batayan upang kwestyunin ang paniningil ng gate fee sa mga service provider na nagsasagawa ng ganitong transaksyon.

Hindi lamang mga delivery rider ang maaaring maapektuhan ng ganitong patakaran. Pati ang mga residente ang posibleng mahirapan kung sisingilin pa ang kanilang mga booking. Maaaring tanggihan ng mga driver ang biyahe kapag nalaman nilang may dagdag na bayarin sa pagpasok sa subdivision.

Sa halip na makatulong, ang ganitong paniningil ay maaaring maging dagdag na pasanin sa mga residente at sa mga manggagawang naghahatid ng kanilang pang-araw-araw na pangangailangan.

Kaya naman kung sa usapin ng seguridad ng bawat tahanan sa subdivision, oo ang sagot. Pero kung usapin ng paniningil sa pagpasok, hindi ay makatwiran.

The post PAGPIGIL NG HOA SA RIDERS, SEGURIDAD, OO, PANININGIL, HINDI! first appeared on Remate Online.

Kaugnay nito, kailangang-kailangan na ang pagpapalabas ng Supreme Court ng desisyon ukol sa minimum na boto o threshold para maideklara siyang guilty.

Matatandaang ibinaba ng Senate impeachment court ang boto na 16 mula sa 24 na kabuuang bilang ng mga miyembro ng Senado sa 14 batay sa 20 nakadadalo sa paglilitis.

Natapos na ang lahat ng proseso mula sa pagsusumite ng petisyon nina Senator-Judge Bong Go at Robin Padilla, PDP-Laban at iba pa at hanggang pagsagot ng impeachment court sa petisyon at tinatalakay na ito ng Supreme Court.

Maaari nang matapos ang paglilitis sa impeachment sa buwan ng Disyembre at magpapasya na rin kung guilty sa botong 14 si VP Sara.

Kaya naman, dapat naaangkop dito ang panahon ng paglalabas ng Hukuman ng desisyon nito.

Siyempre pa, inaasahang bago o mismo sa araw ng pagdedesisyon impeachment court maglabas ang Hukuman ng desisyon nito upang walang malabag na karapatan ng akusadong si VP Sara at ng mahigit 32 milyong bumoto sa kanya para maging Pangalawang Pangulo.

Hindi mahalaga ang petsang paglabas ng desisyon ng Supreme Court sakaling ma-acquit o mapawalang-sala siya, ngunit iba ang mangyayari kung madeklara siyang guilty sa botong 14.

Malinaw ang botong 16 batay sa tadhana ng Article XI, Section 3(6) na nagsasabing, “No person shall be convicted without the concurrence of two-thirds of all the Members of the Senate.”

Ngunit para sa impeachment court, magbabatay lang ang 2/3 o dalawang katlong boto ng 20 dumadalong senator-judge sa paglilitis kaya 14 boto lang ang kailangan.

Walang kapangyarihan ang mga senator-judge na amyendahan ang Konstitusyon, ayon kina SJ Go, Padilla at iba pa.

Kayo riyan sa Supreme Court, ang desisyon nasaan na?

The post SC DECISION SA IMPEACHMENT VOTING THRESHOLD NASAAN NA? first appeared on Remate Online.

Isang konkretong patunay nito ang isinagawang dalawang araw na seminar-workshop kung saan naging kalahok ang mga opisyales at delegadong miyembro ng National Press Club noong Nobyembre 5–6, 2026 sa Clark, Pampanga. Ang naturang aktibidades ay may temang “AI and Multi-Platform Storytelling for Journalists.” Sa tulong ng JTI Koshukai at iACADEMY, nabigyan ng pagkakataon ang mga mamamahayag na mas maunawaan ang paggamit ng AI sa makabagong newsroom at sa iba’t ibang plataporma ng pamamahayag.

Tinalakay sa seminar ang mga praktikal na aplikasyon ng AI sa pagbuo ng mga balita, pagpapabilis ng editorial processes, pagberipika ng impormasyon at pagpapahusay ng digital storytelling. Kabilang sa mga naging tagapagsalita sina Richard Glenn Arboleda at Dennis Gadil ng JTI Koshukai at mga eksperto mula sa iACADEMY. Katuwang ang mga masisipag na organizer mula sa Comm&sense, mas madaling nakamit ang mga layunin ng programa.

Hindi maikaiila na malaking tulong ang AI sa pagpapabilis ng trabaho ng mga mamamahayag. Subalit kaakibat nito ang responsibilidad na tiyakin ang katumpakan, kredibilidad at pagiging patas ng bawat impormasyong inilalathala. Hindi dapat palitan ng teknolohiya ang kritikal na pag-iisip, propesyonal na paghuhusga at integridad ng isang tunay na mamamahayag.

Sabi nga ng isa sa mga resource speaker mula sa iACADEMY na si Bennett Tanyag, kailangan pa rin ang tinatawag na HITL o human-in-the-loop habang ginagamit ang bagong teknolohiya. Ibig sabihin ay kailangan pa rin ng human judgment at intervention sa automated responses ng AI. Isa ring makabuluhan ang multimedia reporting workshop na itinuro sa amin ni Ian Chester Inoy.

Muli, ipinahahatid natin ang taos-pusong pasasalamat sa napakalaking tulong ng JTI sa pagbubukas ng mga oportunidad para sa pagpapaunlad ng kaalaman at kakayahan ng mga mamamahayag. Sa gitna ng pag-usbong ng AI, dapat manatiling pangunahing sandigan ng pamamahayag ang katotohanan, integridad, kredibilidad at tiwala ng publiko.

The post JTI: KATUWANG SA RESPONSABLENG PAGGAMIT NG AI SA PAMAMAHAYAG first appeared on Remate Online.

Umani ng batikos ang paglalagay ng mga harang na may likhang-sining at tarpaulin sa J.W. Diokno Boulevard at paligid ng Philippine Internation Convention Center. Kinuwestyon din ang pansamantalang pagbabawal sa pagtitinda at iba pang negosyo sa mga pangunahing lansangan mula Parañaque hanggang Pasay, pati ang pagpapaalis sa mga terminal ng pampasaherong sasakyan.

Hindi ito bago. Noong panahon ni dating Pangulong Ferdinand Marcos Sr., naglagay rin ng matataas na puting pader sa mga rutang daraanan ng mga kalahok sa Miss Universe pageant sa Maynila noong Hulyo 1974. Layunin nitong ikubli ang mga kabahayan ng informal settlers, sa utos umano ni dating Unang Ginang Imelda Marcos.

Naulit ito noong 1976, bago ang taunang pagpupulong ng International Monetary Fund at World Bank sa Maynila. Pinaalis at inilipat ang mga naninirahan malapit sa paliparan at mga pangunahing lansangan upang hindi makita ng mga dayuhan ang mga lugar na itinuturing na hindi magandang tanawin.

Sa halip na harapin ang kahirapan, mas piniling pagandahin ang panlabas na anyo ng kabisera at ng bansa. Ngayon, muli itong nasaksihan sa paghahanda para sa ASEAN Summit.

Tatlong araw na special non-working holiday at pagsasara ng mga pangunahing lansangan sa Pasay at Parañaque ang nakaapekto sa maraming mamamayan. Sa Baclaran at kahabaan ng Roxas Boulevard, naparalisa ang kabuhayan ng mga vendor, habang nalugi rin ang mga legal na negosyo, kabilang ang mga fast-food chain at tindahan, dahil kumonti ang mga kostumer.

Nangako naman ang Department of Social Welfare and Development ng ayuda para sa mga vendor at iba pang sektor na nawalan ng kita.

Kung may tulong namang ipagkakaloob sa mga naapektuhan, palampasin na muna ang ilang araw na abala para sa ASEAN Summit.

Ngunit hindi dapat makalimutan: ang tunay na magandang imahe ng Pilipinas ay hindi nakukuha sa pagtatakip ng kahirapan, kundi sa paglutas nito.

The post ‘MUKHA’ NG BANSA, ‘TINAKPAN’ DAHIL SA ASEAN SUMMIT first appeared on Remate Online.

Bilang mga lider at tagasuporta niya, patuloy naming palalakasin at palalawakin ang organisasyon, hindi lamang para kay Hontiveros kundi para sa tagumpay ng sambayanang Pilipinong naghahangad ng maayos, mapayapa at maunlad na bansa.

Bakit nga ba ganoon katindi ang aking suporta kay Senadora Risa? Sapagkat naniniwala akong siya ang isa sa mga pambansang alternatibong may kakayahang magsulong ng tunay na reporma.

Huwag na nating hayaang paulit-ulit na mga sikat na apelyido mula sa political clans at dynasties ang mamuno sa bansa. Hindi nagmula si Hontiveros sa isang political dynasty, at maituturing siyang naiiba sa larangan ng pambansang pulitika.

Sinasabi ng iba na mahina siya sa mga sarbey. Ngunit paano masusukat ang kanyang suporta kung hindi naman isinasama ang kanyang pangalan sa mga pagpipilian?

Para sa kanyang mga tagasuporta, ang sunod-sunod na paglulunsad ng Risa Na Movement sa mga bayan, distrito at lalawigan ay patunay ng lumalawak na suporta. Naniniwala silang nakaugat ito sa kanyang mga nagawa sa Senado, kabilang ang mga batas at programang direktang nakatutulong sa mamamayan.

Kabilang sa kanyang mga ipinaglalaban ang Expanded Maternity Leave Act at Solo Parent Act. Naging bahagi rin siya ng mga pagdinig sa Senado hinggil sa human trafficking, iligal na POGO at mga alegasyon ng katiwalian, bagaman ang pagpapakulong sa mga sangkot ay nakasalalay sa proseso ng hustisya.

Marami nang lider mula sa militar, abogasya, show business at ekonomiya ang namuno sa bansa. Gayunman, nananatili ang korapsyon at kahirapan.

Kaya bakit hindi subukan ang isang lider na may paninindigan laban sa katiwalian, nagtatanggol sa manggagawa at West Philippine Sea, at may rekord sa paggawa ng mga batas?

Iba ang hamong dala ni Risa Hontiveros. Panahon nang bigyan ng pagkakataon ang isang mulat, progresibo at makabayang lider.

The post KUNG AYAW NI LENI, ANDYAN SI RISA first appeared on Remate Online.

The post MGA SARBEY AT GOBYERNONG BAGSAK first appeared on Remate Online.

Pangunahing dahilan ang pagbabawas ng 90 testigo ng depensa at magiging 25 na lamang dahil na rin sa pag-atras ng prosekusyon ng kanilang tatlong kaso.

Ngunit hindi nangangahulugan ito ng pagbabawas ng tensyong pulitikal dahil na rin sa mabilis na pagdating ng halalang 2028…kung matutuloy.

Madeklarang guilty o hindi si VP Sara, ang matinding agawan sa kapangyarihan ay hindi basta titigil.

Kung madeklarang guilty si VP Sara, maaaring susunod na mamomroblema si Pangulong Bongbong Marcos dahil sa pagkilos na sibakin siya ng ilang grupo na ngayon pa lang, sa kabila ng pakikipag-alyansa niya sa mga ito laban kay VP Sara, hindi siya sasantuhin.

At hindi naman mawawala ang agawan sa kapangyarihan ng magkahiwalay na grupo na nagnanais na aangkin sa pamahalaan.

Kung hindi naman guilty si VP Sara, at least, tatlong grupo ang magiging sakit ng ulo ni Marcos at mamomroblema rin ang ibang mga grupong may layong pabagsakin sina Marcos at VP Sara.

Kaya magpapatuloy ang gulong pulitikal.

Kugnay nito, bibigyan natin ng kagyat na pansin ang kasong impeachment.

Batay sa kilos ng mga senador, mula sa umpisa ng paglilitis hanggang sa kasalukuyan, lumilitaw na hindi nakadepende sa ebidensya ang magiging batayan ng paghuhusga kundi higit na pansarili at pampulitikang interes.

At tila may nakabuo na ng mga pasya kahit noong simula pa lamang at gagamitin lang ang mga piling ebidensya na kunyaring mga batayan nila para masabing wala silang kinikilingan kundi katotohanan at katarungan lamang.

Ang pangunahing dapat bantayan ng mga mamamayan ay kung sino-sino sa mga senador-huwes ang magpapasya sa huli hindi sa pansarili at pampulitikang interes kundi sa interes o kapakanan ng buong bayan.

Esep-esep at bantay-bantay lang lahat alang-alang sa bayan.

The post MAGBANTAY VS PANSARILING INTERES SA IMPEACHMENT first appeared on Remate Online.

May mga airport code na madaling makilala: JFK, LAX, SFO.

At may mga code na halos walang dahilan para pansinin ng ordinaryong traveler. Isa dito ang HHW.

Tatlong letra lang sa isang travel record. Pero kapag sinearch mo kung ano ang HHW, lalabas ang Stan Stamper Municipal Airport sa Hugo, Oklahoma — isang regional-business airport na may isang 4,007-foot runway at walang control tower, ayon sa Oklahoma Department of Aerospace and Aeronautics.

Walang kakaiba sa isang maliit na municipal airport. Walang automatic na scandal sa

pagdaan doon.

Pero nagiging interesting ang isang airport code kapag lumilitaw ito sa dalawang

magkahiwalay na U.S. travel-history records na iniuugnay sa dalawang prominenteng

Pilipinong public figures. Doon nagsisimula ang tanong.

Sa source package na ibinigay para sa pagsusuri, may dalawang U.S. DHS/CBP

travel-history records.

Ang isa ay iniuugnay kay Defense Secretary Gilberto “Gibo” Teodoro Jr.

Ang isa naman ay iniuugnay sa kanyang asawa, si Monica Prieto-Teodoro.

Sa parehong records, may May 1, 2024 arrival na naka-tag sa HHW.

Hindi ibig sabihin nito na pareho ang buong itinerary. Sa record attributed to Gibo, may HHW departure noong May 3. Sa record attributed to Monica, may HHW departure noong May 9.

Iyan ang mas mahalagang detalye: may overlap, pero hindi identical ang buong pattern.

Pero ang HHW ang kakaiba dahil hindi ito household-name international gateway.

Kaya ang mas magandang tanong ay ano ang travel context ng mga entry na ito?

Anong flight ang ginamit? Official travel ba o personal? Saan nanggaling at saan nagpunta ang aircraft? Ano ang U.S. border-processing arrangement para sa specific movement? At mahalaga: wala sa airport code mismo ang sagot sa mga tanong na iyan. Ang paglitaw ng HHW sa isang travel record ay hindi patunay na private jet ang ginamit.

Habang sinusundan ang HHW, may isa pang layer na lumilitaw sa records: magkaiba ang issuing countries ng travel documents sa dalawang screenshots. Sa record attributed kay Gibo, “Philippines” ang nakalagay na Document Country of Issuance.

Sa record attributed kay Monica, “Malta.”

Kung ang isang presidential envoy ay gumagamit ng foreign-issued travel document, ano ang applicable disclosure requirement? Alam ba ng appointing authority? May official or diplomatic passport bang inisyu? Kung pinapayagan ang paggamit ng foreign passport, anong rule ang nag-aapply?

The post HHW QUESTION first appeared on Remate Online.

These words from renowned American philosopher William James capture the value of recognition, particularly when it comes from institutions and officials who witness the results of one’s work.

For Manila Police District Director PBGen. Arnold Santiago, recognition has come from several important quarters since assuming command on April 16, 2026.

Manila Mayor Francisco “Isko Moreno” Domagoso has repeatedly acknowledged the MPD’s accomplishments, particularly its anti-drug operations and enforcement of city ordinances.

The mayor even cited the district’s No. 1 regional ranking in implementing local ordinances.

The Manila City Council also passed Resolution No. 708, Series of 2026, formally commending the MPD for its professionalism, restraint and dedication during the September 21 public assemblies.

National Capital Region Police Office Director PBGen. Christopher Abrahano likewise commended Santiago and his personnel following successful operations against wanted criminals, including the arrest of Metro Manila’s regional No. 1 most wanted person and other high-profile fugitives.

Adding another distinction, the Philippine College of Criminology recognized Santiago on November 10 for his contributions to public service, including his previous assignment in Mindanao.

These recognitions reflect different aspects of his leadership, from maintaining peace and enforcing ordinances to pursuing fugitives and strengthening police operations.

Of course, the accomplishments are shared with the men and women of the MPD. But providing direction and uniting the force toward a common mission remain vital responsibilities of its director.

As a journalist closely monitoring police performance, I join those recognizing Santiago’s leadership, accomplishments and well-earned commendations.

When leadership delivers, recognition follows. Santiago has certainly earned his share.

The post SANTIAGO LEADERSHIP GETS RECOGNITION first appeared on Remate Online.