MANILA, Philippines – Nagpahayag ng matinding pagkadismaya si Senador Panfilo Lacson sa kasalukuyang liderato ni Senate President Alan Peter Cayetano na hindi pumapasok sa Senado simula noong Lunes sa kabila ng malapit nang magsara ang sesyon ngayon, Miyerkoles.
Sa panayam, sinabi ni Lacson na sobrang kasuklam-suklam at selfish ang pamumuno ni Cayetano na pangunahan ang boycott ng mayorya sa regular session ng Senado.
“Try finding a Senate President who is himself spearheading a boycott of the regular session that he is supposed to preside over. Isn’t that disgusting?,” ani Lacson sa interview ng dzMM.
Sinabi ni Lacson na tanging dahilan kung bakit hindi pumapasok ang grupo ni Cayetano kundi upang mapanatili ang kanyang posisyon, ipreserba ang kanyang Senate presidency, at wala nang iba.
“Selfish, napaka-selfish,” dagdag ni Lacson.
Kasabay nito, binatikos din ni Lacson ang palaging pagsasagawa ni Cayetano ng Facebook live kaysa dumalo sa plenaryo at makipagdebate sa kapwa senador hinggil sa alinmang isyu.
“Where have you ever seen a Senate President deliver a privilege speech on Facebook instead of in the plenary hall? The ones questioning him there are his trolls. Deliver your speech in the plenary so you can be properly interpellated,” giit ni Lacson.
Aniya, dapat maging magandang halimbawa si Cayetano bilang Senate president.
“Senator Alan has been our colleague for a long time. We’ve known him for a long time, and he’s good at debating. So, he should face us there and deliver his speech there so we can debate with him. Not on Facebook, he’s always on Facebook,” ayon kay Lacson.
Nitong Martes, hindi pa rin dumalo sa sesyon ang miyembro ng mayorya kaya walang quorum upang buksan ang sesyon.
Dahil dito, umapela si Lacson sa mayora, tulad ng ilang kasamahan sa minorya sa pangunguna ni Senador Bam Aquino na dumalo sa sesyon ngayon.
“He simply tells the senators’ staff that the session is suspended. But the truth is, it isn’t suspended. That’s why we were there; we never received any notice,” ayon kay Lacson.
Ayon kay Lacson, hindi nagpalabas ng official notice si Cayetano dahil iniiwasan ng Senate chief na maidokumento ang kanyang pagkakamali.
“What kind of Senate is this? What kind of leadership is this?,” giit ni Lacson. Ernie Reyes
