MANILA, Philippines – Magpapatupad ng gun ban at magtatayo ng checkpoints ang Comelec sa walong barangay sa Second District ng Antipolo City para sa special election sa Marso 14.
Saklaw nito ang Calawis, Cupang, Dalig, Inarawan, San Jose, San Juan, San Luis, at San Roque.
Ipinagbabawal ang pagdadala o transport ng armas, deadly weapons, explosives, at controlled chemicals, pati ang paggamit ng bodyguards.
Ang election period ay mula Pebrero 12 hanggang Marso 29, para punan ang upuang iniwan ni Romeo Acop na pumanaw noong Disyembre 20, 2025.
Magsisimula ang pagtanggap ng aplikasyon para sa gun ban exemptions o Certificates of Authority mula Pebrero 2 hanggang Marso 18, 8 a.m.–5 p.m., maliban sa weekends at holidays. RNT/MND
