MANILA, Philippines – Inatasan ng Supreme Court (SC) ang Commission on Elections (Comelec) na maghain ng komento sa petisyon ng National Task Force to End Local Communist Armed Conflict (NTF-ELCAC) na kumikwestyon sa anti-discrimination resolution ng komisyon para sa Eleksyon 2025.
Binigyan lamang ng Korte Suprema ang Comelec ng 10 araw para sagutin ang petition for Certiorai and Prohibition (With Application for the Issuance of a Temporary Restraining Order) ng anti insurgency body.
Abril nang maghain ng petisyon ang NTF-ELCAC na kumikwestyon sa Comelec Resolution 11116 na nagtatakda ng anti-discrimination guidelines para sa May elections.
Naksaad din sa Comelec resolution na ang pagbansag sa isang grupo o indibidwal bilang terorista o kriminal nang walang ebidensya ay itururing na election offense.
Gayunman, iginiit ng NTF-ELCAC na nakagawa ng grave abuse of discretion ang Comelec nang ideklara nito na isang election offense ang pag-label o pagbansag.
Iginiit ng NTF-ELCAC na walang batas na nagsasabi na ang pagbansag sa isang indibidwal o grupo ay isang criminal act.
“Moreover, the implementation of Section 3, in relation to Section 2(j), of Resolution No. 11116 would not only prejudice the NTF-ELCAC’S legitimate efforts to unmask the true identities of members, affiliates, sympathizers, and collaborators of CTGs, but it would also disempower Filipinos from exercising their constltutiona lly guaranteed freedom of expression, including their right to expose, identify, and call out communist-terrorist groups based on reliable information,” ayon sa anti insurgency body.
Hiniling ng NTF-ELCAC sa Korte Suprema na pagbawalan ang Comelec sa pagpapatupad ng naturang resolusyon. TERESA TAVARES
