THE HAGUE, Netherlands – Natapos ang ika-apat at huling araw ng International Criminal Court (ICC) confirmation of charges hearing laban kay dating Pangulong Rodrigo Duterte, ayon sa ulat noong Biyernes. Ihahatid ng mga hukom ang desisyon kung itutuloy ang kaso sa full trial sa loob ng 60 araw.
Sa depensa, abogado Nicholas Kaufman iginiit na ang “high-value target” (HVT) list ay operational tool lamang at hindi code para pumatay o witch hunt.
Sinabi niya, “HVT is not a code for an instruction to kill or a witch hunt. It was a prioritization tool within anti-drug operations.”
Hiniling niya na suriin ang bawat insidente ng hiwalay at iginiit na may mga armed confrontation at judicial search warrants sa ilang kaso.
Binanggit niya rin ang Ozamiz City Mayor Reynaldo Parojinog at Albuera Mayor Rolando Espinosa, na ayon sa kanya, nakasalalay lamang sa testimonyo ng mga saksi na hindi kumpleto o maaasahan.
Tiniyak din niya na wala namang ebidensya ng iba pang menor de edad na napatay bukod kay Kian delos Santos.
Sa kabilang banda, ang prosekusyon sa pangunguna ni abogado Julian Nichols iginiit na si Duterte ang may pinakamalaking pananagutan.
Sinabi niya, “That was only to build a veneer of legality… He must answer for the dead. The victims demand it. Justice demands it.”
Binanggit niya ang coordinated anti-drug operations at multiple witnesses na magpapatunay na ang “neutralize” ay nangangahulugang pumatay.
Abogado ng mga biktima na si Gilbert Andres idinagdag na malawak at sistematiko ang kampanya, at libo-libong namatay sa anti-drug operations.
Sinabi niya, “All charges should be confirmed, and Mr. Rodrigo Roa Duterte committed to trial.”
Kasunod ng confirmation hearing, isinagawa ang unang taunang detention review ni Duterte sa ICC custody.
Ipinunto ng prosekusyon na may bagong dahilan laban sa interim release, kabilang ang pag-aangking hindi niya kinikilala ang hurisdiksyon ng ICC at ang posibilidad na siya’y tumakas.
Sinabi ni abogado Butuyan, “As the proceedings advance… the suspect’s incentive to flee increases.”
Ayon kay Judge Iulia Antoanella Motoc, magbibigay ang Pre-Trial Chamber I ng desisyon sa patuloy na detention ayon sa itinakdang timeframe. RNT/MND
