MANILA, Philippines – Kinwestyon ng kampo ni Vice President Sara Duterte nitong Lunes, Oktubre 5, ang contradictory covered at suspicious bank transactions na tinalakay sa impeachment trial kumpara sa naunang napag-usapan ng House Committee on Justice.
Sa impeachment trial, sinabi ng Anti-Money Laundering Council (AMLC) na naitala ang P4.4 bilyong halaga ng covered at suspicious transactions sa ilalim ng mga bank account nina Duterte at asawang si Manases Carpio.
Malayo ito sa ipinresenta ng AMLC sa April 22 hearing kung saan ang mga transaksyon ay umaabot sa P6.7 bilyon na tinukoy bilang covered at suspicious.
“Nagkaroon po ng system error, base na ito mismo dun sa abogado ni Atty. Mans Carpio, na itong meron daw P2 million transaction na na-report ng BPI bilang 2 point something billion. Kaya po lumobo ng P6.7 billion,” ayon kay Paolo Panelo, spokesperson ni VP Sara.
“Kaya yun po yung sinasabi natin bakit hindi pwedeng i-share lang bigla ng AMLC yung raw data nila dahil kailangan mong i-verify yan, kailangan mong alamin kung ano yung konteksto ng mga… ng mga transactions bago mo isisiwalat,” dagdag pa niya.
Sa P4.4 bilyon, tumestigo rin si AMLC executive director Ronel Buenaventura at sinabing ang P1.63 bilyon ay accounted bilang inflow habang ang P1.3 bilyon ay outflow.
Mayroon ding P1.4 bilyong transaksyon na hindi matukoy kung inflow o outflow.
Nang tanungin kung ang contradictory amounts ay “fatal” sa kaso, sinabi ni Panelo na nagpapakita lamang kung paanong ang datos ng AMLC ay inaccurate lalo pa’t inako umano ng Bank of the Philippine Islands ang pagkakamali.
“What I’m saying is, when it was presented in the House Justice Committee, it was presented like it was 6.7 billion and… From what I understand, at that time, the House Justice Committee was already aware that BPI, included in the AMLC report, is the explanation na out of the 6.7 billion pesos, 2.2 of that, BPI is claiming is an error,” aniya.
“Tapos ngayon, siyempre wala na silang choice para aminin na meron ngang nagkaganon. Kaya ngayon, ang pinapalabas nila, 4.4 billion. It’s not fatal or anything; it’s just a demonstration of how raw data from the AMLC can be misleading or inaccurate,” dagdag pa ni Panelo.
Sa pahayag noong Mayo 4, 2026, sinabi ng BPI na, “As a Bangko Sentral ng Pilipinas (BSP)-supervised institution, Bank of the Philippine Islands adheres strictly to all applicable laws and regulations, including those governing bank secrecy, data privacy, and consumer protection.”
Sinabi rin nito na ito ay “complies with required reporting and regulatory engagements through the proper authorities, and provides relevant clarifications when necessary.” RNT/JGC
