MANILA, Philippines – Inilibing na nitong Miyerkules, Pebrero 18 si dating Pangasinan congressman Jose de Venecia Jr., ang longest serving Speaker ng Kamara.
Ang kanyang mga labi ay inilagak sa Libingan ng mga Bayani kasunod ng funeral mass na idinaos sa Heritage Memorial Park sa Taguig City.
Sumakabilang buhay ang dating mambabatas noong Pebrero 10, 2026 sa edad na 89.
Ginawaran ng 21-gun salute ng Armed Forces of the Philippines (AFP) si De Venecia.
Dinaluhan ito nina Defense Secretary Gilberto Teodoro Jr., at dating pangulo at incumbent Pampanga 2nd District Representative Gloria Macapagal-Arroyo.
Si De Venecia ay naglingkod ng pitong termino bilang miyembro ng Kamara at naging Speaker sa limang termino nito.
Siya rin ay naging principal author ng Dollar Remittance Program, Bases Conversion and Development Act, Build-Operate-Transfer Law, Philippine Economic Zone Act, at ang New Central Bank Act.
Bago maging mambabatas ay nagsilbing Filipino diplomat si De Venecia at itinalaga sa Vietnam bilang Minister-Economic Counselor mula 1966 hanggang 1969. RNT/JGC
