MANILA, Philippines – Sinabi ni dating senador Leila de Lima nitong Lunes, Oktubre 14 na desidido itong kasuhan si dating police chief at ngayon ay Senador Ronald “Bato” dela Rosa, na umano’y nagpasimula para maidiin siyang may kaugnayan sa illegal drug trade na dahilan kaya siya na-detain ng ilang taon.
Ito ay makaraang sabihin ni self-confessed drug lord Kerwin Espinosa nitong Biyernes, Oktubre 11 sa pagdinig ng quad committee ng Kamara na siya ay pinilit lamang ni Dela Rosa na idiin si De Lima sa illegal na droga.
“I’ll discuss it this afternoon with the lawyers. I’m inclined to file cases against Sen. Bato dela Rosa,” pahayag ni De sa panayam ng ANC.
Ani De Lima, ang pag-amin ni Espinosa ay patunay lamang sa naging papel ni Dela Rosa sa planong patahimik siya nang mga panahong iyon lalo’t siya ang pinakamainit na kritiko ng drug war ni Duterte.
“And here we are, there is a witness who directly, personally, under oath implicated him, when before the was none, so we will be discussing that in the meeting this afternoon,” sinabi ni De Lima.
Nitong Sabado, itinanggi ni Dela Rosa na inutusan niya si Espinosa na idiin si De Lima sa drug trade.
“Why do I need to force him to implicate De Lima when PNP (Philippine National Police) was not a party in the case build up and the filing of drug cases against De Lima? It was entirely done by the DOJ (Department of Justice). Anong pakialam ko kay De Lima?” saad sa pahayag ni Dela Rosa.
Kasalukuyang iniimbestigahan ng House Quad Committee ang investigating extrajudicial killings (EJKs) at POGOs, na iniuugnay sa administrasyong Duterte. RNT/JGC
