BULACAN, Philippines – Hindi bababa sa 10 labi ng mga hayop ang natagpuang itinapon sa isang bakanteng lote sa Barangay Muzon East, San Jose del Monte City, Bulacan nitong Huwebes.
Bagama’t walang pangalan o anumang pagkakakilanlan ang mga plastic bag at sako na pinaglagyan ng mga labi, may ilan umanong natagpuan kasama ang mga personal na gamit tulad ng mga laruan at damit.
Noong Miyerkules, nakadiskubre rin ang mga awtoridad at isang animal welfare group ng halos 30 sako at plastic bag na naglalaman ng mga labi ng mga hayop sa tatlong magkakahiwalay na lugar sa Barangay Gaya-Gaya, San Jose del Monte City. RNT/MDS
