MANILA, Philippines – Nanawagan si Pangulong Ferdinand Marcos Jr. nitong Martes na gawing mas maayos at episyente ang pamamahagi ng fuel subsidy para sa mga driver at operator, kabilang ang paggamit ng digital payment systems.
Inihayag ito ng Pangulo habang pinangungunahan ang pamamahagi ng P10,000 fuel subsidy kada bus unit sa Parañaque Integrated Terminal Exchange (PITX), kung saan 27 bus operators na may kabuuang 1,096 unit ang nakatanggap ng ayuda.
“I’m making sure that the system becomes orderly. So, we are now providing a 10,000 subsidy for each bus unit. Then for the method of payment, all kinds of payment methods are allowed,” ayon kay Marcos.
Bagama’t kinilala niyang may ilan pa ring mas nais ang tradisyunal na paraan, sinabi niyang, “There are still some who really prefer not to go digital. That’s also fine. They can issue a check, and if really necessary, even cash is still allowed.”
“But perhaps it’s more convenient, easier and more practical if, as much as possible, we use digital payment,” dagdag niya.
Hinimok din ng Pangulo ang mga operator at driver na makipagtulungan sa pamahalaan upang mabawasan ang epekto ng pagtaas ng presyo ng langis sa mga commuter.
“Please help us so that our riding public will not have too much difficulty, first of all, and won’t be too heavily burdened by fares, because we all know what’s happening—the price of oil is changing all over the world,” aniya.
“That’s why this is the government’s response. And, of course, we are always in need of assistance, support, and cooperation from the operators, the drivers—the entire system,” dagdag pa niya.
Nakatakdang simulan ang nationwide rollout ng P10,000 fuel subsidy sa Abril 6. RNT
