MANILA, Philippines – NILINAW ni Vice President Sara Duterte na hindi sila nag-apply para sa interim release ng ama nitong si dating Pangulong Rodrigo “Digong” Roa Duterte sa Australia.
Kasunod ito ng naging pagtanggi ng gobyerno ng Australia na kupkupin o tanggapin ang temporary release ng dating pangulo, at hindi rin nila ikinokonsidera na maging host para sa dating pangulo.
“I’d like to clarify that the defense team of President Duterte never reached out to the Australian government to discuss about this interim release. There is no application of former President Duterte for interim release in Australia,” ang sinabi ni VP Sara.
Bukod dito, hindi kailanman sila nakipag-ugnayan sa gobyerno ng Australia dahil hindi naman kasama ang Australia sa dalawang bansa na pinangalanan ng defense team para sa urgent request ng interim release bago ang International Criminal Court.
“The submission of the lawyers of President Duterte wherein there were two countries indicated in the document, albeit redacted, I have to confirm that the two countries, none of which is Australia,” ayon kay VP Sara.
Inamin naman niya na may natanggap siyang email mula sa isang ahensiya ng Australian government na nagsasabing tumanggi ang mga ito na kupkupin ang kanyang ama.
“I do not know where and to whom it was addressed, but I got a copy of it. And I do not know as well on what basis she was able to say that there is a, parang it is not discussed with the Australian government and they will not allow interim release in Australia, because in the first place, there is no application for interim release in Australia,” ang dagdag na wika nito.
Matatandaang nagtungo si VP Sara sa Australia noong nakaraang mga araw para pulungin ang mga Filipino community doon.
Nais umano nitong makapulong si Australian Foreign Minister Penny Wong noong Hunyo 23, subalit dahil sa kakulangan ng oras ay hindi na ito natuloy. Kris Jose
