MANILA, Philippines – Kinutya ni Defense Secretary Gilberto Teodoro Jr. ang alegasyon ng China na tatlong Pilipino ang inaresto dahil sa espiya, at iginiit na ang interes ng Pilipinas ay nasa kilos ng China sa West Philippine Sea (WPS), hindi sa loob ng Beijing.
“Ano bang capability ng Pilipinong mang-spiya doon? Anong interest natin?” ani Teodoro.
Tinawag din niyang “closed society” at “police state” ang China, kaya’t ani niya, “Sinong may sentido kumon gagawa nyan?Wala.”
Wala pang pahayag ang Chinese Embassy. Ayon sa ulat ng Global Times, ang tatlong Pilipino ay umano’y nang-espiya sa militar ng China. RNT
