MANILA, Philippines – Bumuo ng mekanismo ang Department of Trade and Industry para maprotektahan ang mga lokal na producer sa mga kaso ng “unwarranted import surge” sa pagsisimula ngayong Biyernes, Hunyo 2 sa membership nito sa Regional Comprehensive Economic Partnership (RCEP), sinabi ni Trade Secretary Alfredo Pascual.
Layon ng RCEP na tapyasan ng hanggang 90% ang taripa sa imported goods para sa mga member country nito, na pinangangambahan sa kakayahan ng local producers na maging competitive pa rin kasabay ng pagdagsa ng mga murang bilihin.
Maliban sa mga bansa sa Association of Southeast Asian Nations (ASEAN), kasama rin sa RCEP ang China, Japan, South Korea, Australia at New Zealand.
Kasabay ng briefing sa pagsisimula ng partisipasyon ng bansa sa RCEP, pinawi ni Pascual ang pangambang ito ng mga local producer partikular na ang MSMEs.
“At DTI, we have established an import monitoring system to detect any unwarranted surge in import so that necessary trade remedies or policy interventions can be made immediately if there is such import surge,” aniya.
“This tool is available to stakeholders for monitoring import volumes of its specific commodities by ensuring imports remain within amounts that will not hurt or threaten our local industry. This monitoring initiative builds confidence and fosters collaboration among those involved.”
Nauna nang inilahad ng economic managers have earlier ang mga benepisyo ng pagsali ng bansa sa RCEP para sa micro, small and medium enterprises sa pagluluwas ng kanilang mga produkto.
Dahil dito, nagsisikap umano ang pamahalaan na palakasin ang export industry sa pamamagitan ng Philippine Export Development Plan 2023-2028.
“This export development plan also supports the government’s effort toward economic growth that is strengthening the Philippine exports’ global position by promoting trade and investments,” sinabi pa ni Pascual.
“PEDP emphasizes creating an enabling environment for attracting investments and promoting trade to reiterate we want to further develop our local industries to cater to domestic and global markets or export markets,” dagdag pa niya.
“RCEP is a mega free trade deal that will also facilitate the influx of more investment in the country. With RCEP, the country becomes attractive as a manufacturing hub or production hub for international companies that want to access the markets in the RCEP region,” pagpapatuloy ni Pascual.
Noong Pebrero ay niratipikahan ng Pilipinas ang membership nito sa RCEP. RNT/JGC
