MANILA, Philippines – Maaaring utusan ng Energy Regulatory Commission (ERC) ang mga consumers na bayaran ang bill deposits bilang security sa kanilang electric bills.
Ito ang idineklara ng Supreme Court matapos ibasura ang petisyun ni Neri J. Colmenares na kumuwestyon sa otoridad ng ERC na payagan ang distribution utilities gaya ng MERALCO na mangolekta ng bill deposits sa kanilang mga consumer.
Nakasaad sa desisyun ng SC En Banc, balido ang
rate-fixing power ng ERC dahil layunin nito na masiguro ang kakayanan na mabuhay sa ekonomiya ng mga electricity distributors.
Magugunita na 2004 binuo ng ERC ang Magna Carta for Residential Electricity Consumers kung saan kailangan magbayad ng bill deposits ang mga residential consumers bilang guaranty sa binabayad sa kuryente.
Maaari itong gamitin bilang pambayad sa overdue bills.
Taong 2019 naghain ng petisyon si Colmenares sa SC at sinabi na walang sapat na regulasyon ang bill deposit.
Gayunman, sinabi ng SC na kailangan ibasura ang naturang petisyun dahil sa pagiging premature.
“It is not our function to issue an advisory opinion on the questions of policy and regulations of administrative agencies. It is premature for this Court to intervene
in the delicate exercise of the ERC’s rate-fixing functions since it has yet to finalize the rules on bill deposits and the more specific mechanisms for its implementation,” saad ng SC sa inilabas na desisyun. TERESA TAVARES