BANGUED, Abra- Sugatan ang dating barangay chairman at pamangkin nito sa isang shooting incident sa Sitio Ramramot, Barangay San Antonio, sa bayang ito nitong Huwebes ng gabi.
Kinilala ng mga pulis ang mga biktimang sina dating Barangay Chairman Marcelino C. Banayos, 58, at kanyang pamangkin na si Janssen B. Blanes, 20, construction worker, kapwa residente ng Sitio Saluden, Barangay Bañacao, Bangued.
Batay sa imbestigasyon, sakay ang mga biktima ng puting Nissan Navarra pickup truck patungo sa Barangay San Antonio nang pagbabarilin sila ng mga hindi nakilalang kalalakihan sakay ng puting sasakyan.
Nakatakas ang mga suspek habang nagtamo ang mga biktima ng mga tama ng bala at dinala sa ospital.
Nagsasagawa na ng follow-up investigation sa insidente. RNT/SA
