MANILA, Philippines – Sa kabila na nakakuha na ng pwesto ang Gilas Pilipinas sa FIBA Asia Cup 2025, may natitira pa silang dalawang laro sa qualifiers na lalaruin sa Pebrero.
Ngunit hindi tulad ng huling tatlong laro ng qualifiers, ang huling pares ng mga laban ay mga road game.
Sinabi ni head coach Tim Cone ang ikatlo at huling window ng qualifiers ay magiging isang perpektong oras para matuto ang pambansang koponan na manalo sa kalsada, bahagi ng pag-unlad ng koponan sa ilalim ng programa ng Gilas.
Ipinanalo ng Pilipinas ang mga assignment nito laban sa New Zealand at Hong Kong, na lahat ay ginanap sa kanilang tahanan sa Mall of Asia Arena, sa Window 2 ng qualifiers para magtala ng 4-0 sa Group B.
Nanalo rin ito laban sa Chinese Taipei sa Philsports Arena noong nakaraang Pebrero.
Gagawin sa ibang bansa ang kanilang dalawang huling laro kung saan ang Gilas ay sasabak sa rematches laban sa Chinese Taipei sa Pebrero 20 at New Zealand sa Pebrero 23.
“Ang dalawang laro na gagawin natin sa Pebrero ay magiging pinakamahirap na bahagi ng window na ito. Two toughest teams and both on the road,” ani Cone.
Nag-book na rin ang New Zealand ng tiket sa FIBA Asia Cup, at kasalukuyang nagmamay-ari ng 3-1 win-loss record sa Group B.
Nasa ikatlong puwesto ang Chinese Taipei na may 1-3 slate, habang ang Hong Kong ay walang panalo sa apat na laban, ngunit naghahanap ng pagsulong sa torneo dahil ang ikatlong puwesto sa anim na grupo ay maglalaban-laban para sa huling apat na puwesto.
Dahil sa pananabik ng New Zealand na hindi lamang tapusin ang qualifiers nang malakas ngunit gayundin upang ipaghiganti ang nalasap nitong kabiguan noong Huwebes at may pag-asa pa ang Chinese Taipei para sa isang lugar sa tournament proper kaya inaasahan ni Cone ang mahihirap na laban sa Pebrero.
“Ito ay magiging isang mabigat na trabaho para sa amin, at inaasahan na namin ang hamon na iyon,” sabi ni Cone.JC
