MANILA, Philippines – Itanggi ng House Justice Committee ang paratang ng kampo ni Vice President Sara Duterte na nagsasagawa ito ng “fishing expedition” sa katwirang ang pinasubpoena na dokumento ay bahagi ng public records.
“Alam ninyo entitled naman ho sila sa opinion nila. Pero the facts are very clear. Mayroon pong kailangang ipaliwanag ang ating pangalawang pangulo doon sa discrepancy na kanya pong SALN ng 2007 at 2024,” reaksyon ni Bicol Saro Rep. Terry Ridon, miyembro ng justice panel.
“Fishing expedition lang po ‘yan kung wala ho tayong pinagsisimulang mga dokumento. Ang problema meron, nasa SALN po mismo ng pangalawang pangulo,” paliwanag ni Ridon na nagsabing sa SALN mismo ni Duterte makikita ang biglas pagtaas ng yaman nito.
Sa impeachment hearing ay iniutos ng komite na isubpoena ang Office of the Ombudsman upang isumite ang Statement of Assets Liabilities and Networth (SALN) Duterte gayundin ang Bureau of Internal Revenue (BIR) at Securities and Exchange Commission (SEC) para makuha ang tax records at business recors nito.
Ipinagtanggol ni Ridon ang pagsubpoena sa nasabing mga dokumento, aniya, mahalaga ito para makita ang alegasyong unexplained wealth.
Dumepensa din si House Committee on Justice Chairman Gerville Luistro, aniya, may basehan ang pagpapalabas ng subpoena sa mga dokumento na may kaugnayan kay Duterte matapos mapatunayan na sufficient in form, substance at ground ang impeachment complaint.
“there has been a declaration of sufficiency in form, there has been a declaration of sufficiency in substance, and there has been a declaration of sufficiency in ground. In other words, the committee already ruled on the existence of sufficient basis to proceed to hearing proper, that includes the issuance of subpoena,” paliwanag nito.
Una nang tinuran ni Duterte na ang ginagawang impeachment proceeding ay isang “fishing expedition”. Gail Mendoza
