USA – Pansamantalang pinigilan ng isang federal judge sa Boston ang kautusan ni Pangulong Trump na nagbabawal sa mga dayuhang estudyante na pumasok sa U.S. upang mag-aral sa Harvard.
Ayon kay Judge Allison Burroughs, ang kautusan ay magdudulot ng “agarang at hindi na maaayos na pinsala” at lumalabag sa naunang desisyon ng korte.
Inamyendahan ng Harvard ang kaso nito, sinasabing ilegal ang pag-target sa paaralan at sa mga internasyonal na estudyante nito, na bumubuo ng higit sa isang-kapat ng populasyon.
Iginiit ng administrasyong Trump na ito ay para sa pambansang seguridad at inakusahan ang Harvard ng koneksyon sa mga banyagang kalaban, ngunit mariing itinanggi ito ng unibersidad at sinabing ganti ito ng gobyerno dahil tumanggi silang sumunod sa presyur na pampulitika. RNT
