Forgotten Island Special Screening

Nagkaroon ng espesyal na screening ang Forgotten Island ng DreamWorks Animation sa SM Aura Cinemas sa Taguig City nitong Biyernes, Setyembre 18, 2026, na nagdadala ng mga kuwento at mitolohiyang hango sa kulturang Pilipino sa mundo ng Hollywood animation.

Ang Pilipinang aktres na si Liza Soberano ang nagbibigay-boses sa karakter na si Raissa, kasama ang isang international cast na kinabibilangan nina Lea Salonga, Manny Jacinto, Dolly de Leon, at Jo Koy.

Sinusundan ng pelikula ang magkaibigang sina Jo at Raissa sa kanilang pagpasok sa Nakali—isang mahiwagang isla na pinaninirahan ng mga nilalang na hango sa mitolohiyang Pilipino. Nakipagtulungan ang Jollibee sa DreamWorks para sa pandaigdigang kampanya ng pelikula, na naglalayong ilapit ang kuwento sa mga manonood na Pilipino sa pamamagitan ng isang limitadong kolaborasyon.

Ang Forgotten Island, na ipamamahagi ng Universal Pictures, ay ipalalabas sa mga sinehan sa Pilipinas simula sa Setyembre 23, 2026. RNT