MANILA, Philippines – Magbibigay ng P5 diskwento ang GCash, na pinapatakbo ng G-Xchange Inc., sa mga MRT 3 commuters na gagamit ng cashless payment sa fast lanes simula Lunes, Disyembre 8.
Sakop ng diskwento ang tap-to-pay, GCash Commute QR, at GCash Visa Card hanggang Disyembre 22. Ang paunang P28 na bayad ay ibabawas sa entry, at ang sukli ay ibabalik sa GCash wallet pagkatapos ng exit.
“Users don’t need to register for the promo, and the discount is automatically applied upon fare deduction,” ayon sa advisory.
Ang MRT-3 ay mula North Avenue sa Quezon City hanggang Taft Avenue sa Pasay, na may unang biyahe ng tren mula 4:30 a.m. at 5:05 a.m., at huling biyahe ng tren sa 10:30 p.m. at 11:09 p.m., ayon sa pagkakabanggit. Dave Baluyot
