MANILA, Philippines – Isinusulong ng Pilipinas ang mga polisiyang tumutugon sa kasarian at mga repormang institusyonal upang palakasin ang partisipasyon at pamumuno ng kababaihan sa industriya ng maritima, bilang pagkilala sa kanilang mahalagang papel sa pagbuo ng mas inklusibo, ligtas, at future-ready na sektor.
Binigyang-diin ang commitment na ito sa WIMA Asia Regional Workshop on Gender-Responsive Policy and Legislative Design na ginanap noong Setyembre 28–30, 2026 sa Singapore, na pinagsama-sama ang mga maritime stakeholders sa buong Asya upang isulong ang mga praktikal na reporma sa gender equality.
Kumatawan sa Pilipinas sina MARINA Domestic Shipping Service Director Jinky M. Mendoza at WIMA Asia President at WIMAPHIL representative Merlie San Pedro, kasama ang mga kinatawan mula sa Philippine Coast Guard at WIMAPHIL.
Tinalakay sa workshop ang pagpapalawak ng access ng kababaihan sa maritime education at training, mga oportunidad sa pamumuno, ligtas at inklusibong lugar ng trabaho, at maternity protection — mga aspetong kritikal sa pagbuo ng mas malakas at mas patas na maritime workforce.
Ibinahagi rin ng delegasyon ng Pilipinas ang karanasan ng bansa sa maritime administration, regulasyon, domestic shipping, at gender mainstreaming, habang nakibahagi sa talakayan sa mungkahing National Action Plan for Gender Equality in the Philippine Maritime Sector.
Layon ng inisyatibang ito na gawing konkretong aksyon, malinaw na indicators, at accountable na implementasyon ang mga pangako sa gender equality, upang suportahan ang isang industriya ng maritima kung saan maaaring makilahok, mamuno, at humubog ng kinabukasan ang kababaihan. Jocelyn Tabangcura-Domenden
