HINIKAYAT ng Masungi Georeserve Foundation si Pangulong Ferdinand Marcos Jr na ipatigil at repasuhin ang 15-day notice na ipinalabas ng Department of Environment and Natural Resources (DENR) na nag-uutos ng pagpapaalis sa Blue Star, ang property developer sa likod ng Masungi Georeserve initiative.
Sa isang kalatas, hiniling ng foundation sa gobyerno na ipatigil at repasuhin ang eviction order ng DENR para mapahintulutan ang patas at masusing pagrerebisa; at makisali sa ‘open dialogue’ kasama ang lahat ng stakeholders para makahanap ng makatarungan at napapanatiling landas na pasulong.
Nauna rito, inanunsyo ng Environment Department na binasura na nito ang 2002 Supplemental Agreement sa Blue Star bunsod ng di umano’y usapin sa legalidad at pagkabigo na isagawa ang terms na nakapaloob sa kontrata.
Sa hiwalay na kalatas, sinabi ng Blue Star Construction and Development Corp. na nirerepaso nitong mabuti ang posibleng legal remedies matapos na makatanggap ito ng notice mula sa DENR na nagkakansela sa mahigit na two-decade-old deal at ipinag-utos na bakantihin ang lugar ng conservation project sa Rizal.
Sinabi nito na ang 2002 Supplemental Joint Venture Agreement “played a significant role in the establishment of the Masungi Georeserve.”
Nag-demand din ang DENR “with finality” na bakantihin ng Blue Star ang lugar na saklaw ng kasunduan, partikular na ang 300-hectare area kung saan matatagpuan ang Masungi Georeserve conservation project.
“The notice was received at our official address via registered mail on Monday, 17 March 2025,” ang sinabi ng Blue Star.
“We have referred the document to our legal counsel, who are carefully reviewing the matter to determine the appropriate legal steps,” ang winika pa rin nito.
Idinagdag pa ng property firm na tutugunan lamang nila ang nasabing uspain “in due course through the proper channels.”
Samantala, sa pagkansela naman ng joint venture deal sa Blue Star, inilatag ng Environment Department ang mga naging dahilan nito gaya ng:
*Lack of required Presidential Proclamation declaring the subject matter of the contract for housing purposes
*No document to prove that the proposed construction went through regular procurement or bidding process
*Failure to deliver the 5,000-unit Garden Cottages housing project within five years from signing on November 15, 2002
Gayunpaman, nanawagan ang Blue Star sa lahat ng stakeholders “to engage with fairness and responsibility—ensuring that discussions remain rooted in verified facts, a shared commitment to environmental stewardship, and the protection of integrity of public-private partnerships.”
“We call for justice to be upheld, ensuring that this matter is resolved with fairness and accountability for the benefit of the environment, the communities who depend on it, and the generations to come,” ang sinabi ng Blue Star.
“For decades, Blue Star has been a faithful private-sector partner in advancing high-quality, sustainable development and innovative engineering, as well as safeguarding the country’s natural heritage,” ayon pa rin sa Blue Star. Kris Jose
