MANILA, Philippines – Iginiit ni Senador Jinggoy Estrada, nahaharap sa P375 milyong plunder at graft charges dahil sa umano’y kaugnayan sa flood control project, na si Senador Alan Peter Cayetano pa rin ang Senate President.
“The Senate President is still Senate President Alan Peter Cayetano,” sinabi ni Estrada matapos ang court hearing sa Sandiganbayan nitong Huwebes, Hunyo 4.
“They cannot invoke the Avelino v. Cuenco [Supreme Court ruling. According to the 1987 Constitution, a majority of all members, 24, [are needed for quorum]. Some senators are saying there are 22 senators because of Senator Bato is nowhere to be found and myself [is] in detention, [but] that is incorrect,” dagdag ni Estrada.
Sinasabi sa Avelino v. Cuenco na ang absolute majority na 12 out of 23 members ay maaaring bumuo ng constitutional majority para sa quorum purposes dahil ang ika-24 miyembro ng Senado nang panahong iyon na si Tomas Confessor, ay nasa Estados Unidos at nasa labas ng hurisdiksyon ng Senado.
Sa kabila nito, iginiit ni Estrada na ang desisyon ng Korte Suprema ay hindi maaaring gamitin dahil siya at si Senador Ronald “Bato” Dela Rosa na nagtatago sa arrest warrant ng International Criminal Court (ICC) ay hindi naman nag-resign sa Senado.
“Kami ni Senator Bato, we did not resign, buhay na buhay kami. We are not physically incapacitated, ibig sabihin iyong majority, 24…12 plus one,” ani Estrada.
Matatandaan na hindi nagpakita nang dalawang sunod na sesyon sa Senado ang Cayetano-led bloc. RNT/JGC
