MANILA, Philippines – NAKATIPID ang gobyerno ng P885 milyon simula nang ilunsad ng Department of Energy (DOE) ang O.N.E. nito (Oras Natin sa Efficiency) program noong Marso 19, 2026.
“This is real, measurable impact. And it was built not through one grand event, but through consistent, collective action, week after week,”ayon kay Energy Secretary Sharon Garin sa isinagawang ceremonial switching off ng mga ilaw sa BGC Park Triangle sa Taguig City, Miyerkules ng gabi.
Sa ilalim ng O.N.E. program, hinikayat ang mga power consumers na i-switch off at i-unplug ang mga hindi kinakailangang electrical appliances mula 8 p.m. hanggang 9 p.m. tuwing Sabado, para makatipid ng kuryente at makatulong na mabawasan ang ‘overall power demand.’
Sinabi ng Kalihim na ang practice na ito ay magiging habit na rin sa kalaunan na mapakikinabangan ng bansa.
Idinagdag pa niya na may 212 malls sa buong bansa ang nagpartisipa sa programa, umayon sa layunin ng taunang Earth Hour campaign na ginagawa sa buong bansa.
Sinabi naman ni Ayala Land Chief Sustainability Officer Robert Lao, nagsalita rin sa nasabing event na nagawa ng publicly listed conglomerate na palawakin ang energy-efficiency efforts nito sa iba’t ibang business units nito.
“Ayala Land has long recognized that energy efficiency is fundamental to sustainable development. Through our partnership with the Department of Energy, we are proud to support the O.N.E Campaign and help drive a culture of responsible energy use across communities,” ang tinuran ni Lao.
“Our commitment goes beyond compliance — we are systematically transforming how our estates, buildings, and operations consume energy, as part of our broader sustainability goals,” aniya pa rin.
Para naman kay Ayala Land Corporate Sustainability Manager Mabel Reyes, ang conglomerate ay kumokunsumo ng 1 million megawatt-hours (MWh) ng elektrisidad taun-taon, binigyang diin ang kahalagahan ng energy-efficiency initiatives sa pagtulong na mabawasan ang power consumption sa buong bansa.
Tumanggi naman si Reyes na magbigay ng projections o pagtataya sa posibleng matitipid mula sa programa subalit bago pa ang paglulunsad ng energy-efficiency drive, sinimulan na ng conglomerate ang pagpapatupad ng sarili nitong energy-conservation initiatives.
“But in support of the campaign specifically we will start on Saturday,” aniya pa rin, sabay sabing ang implementasyon para sa administrative offices ay tuwing Sabado, habang gagawin naman ng mall ang programa tuwing Martes. KRIS JOSE
