Manila, Philippines – Nagulantang ang mga tagapanood ng iconic noontime show na Eat Bulaga matapos ianunsyo mismo nina Tito and Vic Sotto at Joey de Leon, ang pagkalas nila sa TAPE Incorporated.
Sa kanilang pahayag, ibinahagi ng TVJ sa publiko na pumasok pa sila nu’ng May 31, 2023 para magtrabaho pero hindi sila pinayagan ng bagong management na umere ng live.
Agad namang naglabas ng pahayag ang GMA Network tungkol dito.
Ibinahagi ng TV network na sila rin mismo ay nalungkot at nabigla sa ‘di inaasahang pagkalas ng TVJ sa TAPE dahil sa katunayan, may blocktime agreement pa ang Eat Bulaga sa TAPE until the end of year 2024.
“We are saddened by today’s unexpected turn of events with regard to Eat Bulaga. GMA has been the home of Eat Bulaga for many years and we still have a block time agreement with TAPE until the end of 2024 for the noontime slot. Together with all the Filipino fans, we pray for a smooth and swift resolution of their issues,” saad ng Kapuso Network.
Gayunpaman, may bali-balita namang lilipat ang TVJ sa TV5 under Brightlight Productions ni Bacolod Mayor Albie Benitez na ikinatuwa naman ng netizens base sa komento ng mga ito sa social media.
Eat Bulaga started in 1979. After more than 4 decades, tanong ngayon ng mga tagapanood, dito na kaya magtatapos ang nasabing noon time show? Hmmm. Paula Jonabelle Ignacio
