MANILA, Philippines – Asahan ng mga motorista ang mahigit ₱1 kada litrong dagdag-presyo sa petrolyo sa susunod na linggo.
Ayon sa Department of Energy, base sa apat na araw ng trading sa Mean of Platts Singapore (MOPS), tinatayang tataas ang presyo ng:
Gasolina: ₱0.90 hanggang ₱1.40
Diesel: ₱1.00 hanggang ₱1.40
Kerosene: ₱1.00 hanggang ₱1.20
Apektado ang presyo ng mga pandaigdigang salik gaya ng positibong US-China trade signals, pagkaantala sa US-Iran nuclear talks, at inaasahang patuloy na demand sa langis ayon sa OPEC.
Iaanunsyo ng mga kompanya ng langis ang opisyal na dagdag-presyo sa Lunes, Hunyo 17, at ipapatupad ito kinabukasan. RNT
