ALBAY, Philippines – Mahigit 130 visual artists mula sa buong Bicol Region ang nagtatampok ng mahigit 260 likhang-sining sa “Art for Everyone 2026” exhibit sa SM City Legazpi.
Ang dalawang linggong exhibit, na tatagal hanggang Hulyo 30, ay nilalahukan ng 136 na artista mula sa Albay, Camarines Norte, Camarines Sur, Catanduanes, Masbate, at Sorsogon.
Inorganisa ng Sining Bicol bilang bahagi ng taunang “Art for Everyone” ng SM, layunin ng exhibit na mailapit ang sining sa publiko at mabigyan ng pagkakataon ang mga lokal na artista na maipakita at maibenta ang kanilang mga obra.
Ayon kay Sining Bicol President Vicky Balunso, layunin nilang pag-isahin ang mga artista sa rehiyon, baguhan man o propesyonal.
“Our advocacy is to unite artists across the Bicol Region. Seeing professional and beginner artists gathered in one venue is very fulfilling because it shows that our artistic community continues to grow,” aniya.
Nagbigay rin siya ng payo sa mga baguhang artista:
“Keep creating. Mistakes are part of learning. Be patient. Stay focused on your passion, and continue developing your own artistic style.”
Hinikayat din ni Balunso ang publiko na suportahan ang mga lokal na artista at pahalagahan ang mga orihinal na likhang-sining sa kabila ng paglaganap ng artificial intelligence sa sining at disenyo.
Sinabi naman ni Frederick Arcilla ng Iriga City na nagbibigay ang exhibit ng pagkakataong maipakita ng mga artista ang kanilang talento at mensahe sa mas maraming tao.
“This allows us to showcase our talent, our style of painting, and express what we want to convey through our artworks,” aniya.
Ayon naman kay Djoanna “Deejai” Tanji ng Legazpi City, magandang pagkakataon ang exhibit para sa mga baguhang nais makilala ang lokal na art scene.
“It is a welcoming venue for beginners who want to explore the art scene,” aniya.
Dagdag pa niya:
“For those of us who have been painting for years, it is also an opportunity to showcase our work and inspire others to pursue their creativity.”
“Being an artist is not just about creating inside your studio. It is about engaging with the community and sharing your gift with others.”
“Art is not only for ourselves. It is meant to inspire and serve everyone.” RNT/MDS
