MANILA, Philippines – Umabot na sa 6,144 aftershocks ang naitala matapos ang magnitude 7.8 na lindol na tumama sa Mindanao noong Hunyo 8, ayon sa PHIVOLCS.
Sa bilang na ito, 78 aftershocks ang naramdaman sa mga apektadong lugar, ayon kay PHIVOLCS Director Teresito Bacolcol sa isang briefing kasama ang NDRRMC noong Lunes.
Ang malakas na lindol ay tumama 32 kilometro timog-kanluran ng Maasim, Sarangani dakong 7:37 a.m. ng Hunyo 8, at nagdulot ng sunod-sunod na pagyanig sa iba’t ibang bahagi ng Mindanao.
Patuloy na binabantayan ng PHIVOLCS ang sitwasyon habang nagpapatuloy ang mga aftershock sa mga apektadong lugar. RNT/MND
