ILOILO CITY, Philippines – Nagbigay ang National Commission of Senior Citizens (NCSC) ng P88.1 milyon na cash grant sa 8,255 senior citizen sa Western Visayas na kwalipikado sa ilalim ng Expanded Centenarian Act.
Ang nasabing halaga ay sakop ng second quarter payout para sa 2,016 grantees noong 2014 at ang 6,239 grantees para sa 2025.
Ang nasabi namang bilang ay binubo ng, 3,802 na 80 taong gulang; 2,805 na 85; 1,229 na 90 taong gulang; 357 na 95, at 62 na centenarians.
Sa isang panayam noong Lunes, binigyang-diin ni NCSC regional director Ann Rapunzel Ganzon ang malakas na pakikipagtulungan sa mga local government units sa pakikipag-ugnayan sa mas maraming senior citizens.
“We go down to the community, to the grassroots level, so we raise awareness about the programs of NCSC. We want all the 80, 85, 90 and 95 can get the P10,000 cash gift and P100,000 for our centenarian,” aniya.
“For our senior citizens who have reached their milestone age and are bedridden, we go to their house, and for those who can make it, the payout is being done in one area,” dagdag niya.
Sinabi din ni Ganzon na patuloy nilang pinapalakas ang koordinasyon sa municipal welfare and development offices, opisina ng senior citizens affairs, at federation officers, upang ang mga kwalipikado ay maka-avail ng cash gift.
Sa unang quarter ng taong ito, naglabas ang NCSC ng cash grants sa 5,153 senior citizens. RNT/MND
