MANILA, Philippines – Itinanggi ng Department of Education (DepEd) at Department of Budget and Management (DBM) na walang pondo para sa hiring ng mga guro sa 2027.
Ayon sa dalawang ahensya, may P31.22 bilyon sa proposed 2027 national budget para mapunan ang 64,530 teaching positions. Kabilang dito ang 31,614 existing vacancies at 32,916 bagong posisyong inaprubahan ng DBM noong Mayo.
“Let us be clear: hindi titigil ang hiring ng teachers (hiring of teachers will not stop). We have thousands of authorized teaching positions that DepEd can continue to fill. The immediate task is to get qualified teachers into these vacant positions as quickly as possible and deploy them where they are needed most,” ani Education Secretary Sonny Angara.
Ayon kay Acting Budget Secretary Kim Robert de Leon, hindi nangangahulugan ng hiring freeze ang kawalan ng bagong Teacher I items sa 2027 budget.
“It is simply incorrect to conclude from that that there is no funding to hire teachers,” ani De Leon. “Marami pa ang unfilled vacant teaching positions. That is precisely why we have allotted funding for this.”
As of Sept. 4, 33,250 teaching positions na ang napunan, habang 25,019 ang bakante.
May P7.582 bilyon din para sa substitute teachers, P10.364 bilyon para sa ₱10,000 Teaching Allowance, at P38.782 bilyon para sa teacher benefits sa ilalim ng Magna Carta for Public School Teachers.
Bukod dito, may P840.589 milyon para sa 2,135 non-teaching positions at P801.583 milyon para sa 2,021 school counseling positions upang mabawasan ang administrative workload ng mga guro. RNT/MDS
