MANILA, Philippines – Sinimulan ng Supreme Court (SC) nitong Martes, ang hybrid digital filing ng ilang mga petisyon sa harap ng tribunal.
Ayon kay SC spokesperson Camille Ting, kailangang magparehistro at gumawa ng account ang mga abogado sa Philippine Judiciary Platform (PJP) bago sila makapaghain ng kanilang mga pleading sa pamamagitan ng eCourt PH app.
“Subsequent pleadings in earlier cases due from today onwards must also be filed electronically through the PJP. Parties without counsel, amicus curae, sharia counselors of law who are not members of the Philippine Bar, and law-student practitioners must continue to file pleadings and other documents through traditional means, such as personally, by registered mail, or a credited courier,” saad ng SC
Simula sa Oktubre ngayong taon, ang electronic filing at serbisyo sa pamamagitan ng PJP ay magiging mandatory na para sa mga pleadings na inihain ng mga abogado.
Gayunpaman, ang serbisyo ng initiatory pleadings ay saklaw pa rin ng Rules of Court. RNT/MND
