MANILA, Philippines – Ilang social media personalities ang inimbitahan muli ng House Tri Committee sa ikatlong pagdinig ng panel bukas.
Ilan sa imbitado ay sina Jay Sonza, Krissette Chu, Mark Lopez, MJ Reyes, dating Press Secretary Trixie Cruz-Angeles, Elizabeth Joie Cruz (Joie De Vivre), Dr. Ethel Pineda Garcia, Alvin Curay, Ma. Khristine Claud Curay, Epifanio Labrador, Manuel Mata Jr. (Kokolokoy), Dr. Richard Tesoro Mata (Dr. Richard at Erika Mata), George Ahmed Paglinawan (Luminous by Trixie & Ahmed), Aeron Peña (Old School Pinoy), Ramon Gerardo B. San Luis, at Elijah San Fernando (Eli).
Matatandaan na sa huling pagdinig ng TriComm ay umiyak at humingi ng paumanhin sina Chu, Reyes at Lopez dahil sa misleading na mga post.
Nagbabala si Committee on Public Accounts chair at Abang Lingkod Party-list Rep. Joseph Stephen “Caraps” Paduano na maaaring ma-cite in contempt at ipaaresto ang 24 na indibidwal na una nang inisyuhan ng subpoena kung muling hindi sisipot sa pagdinig.
Kabilang sa 24 na inisyuhan ng subpoena sina Ernesto S. Abines Jr., Lorraine Marie Tablang Badoy-Partosa, Suzanne Batalla, Mary Catherine Binag, Jeffrey Almendras Celiz, Atty. Glenn Chong, Claire Eden Contreras, Lord Byron Cristobal, Jeffrey G. Cruz, Alex Destor, Ma. Florinda Espenilla-Duque, Claro Ganac, Edwin Jamora, Elmer Jugalbot, Julius Melanosi Maui, Joe Smith Medina, Alven L. Montero, Jonathan Morales, Cyrus Preglo, Vivian Zapata Rodriguez, Darwin Salceda, Allan Troy “Sass” Rogando Sasot, Maricar Serrano, at Kester Ramon John Balibalos Tan.
Ang Tri-Com ay binubuo ng mga komite ng Public Order and Safety, Information and Communications Technology, and Public Information.
Umaasa din ang joint panel na makadadalo sa pagdinig ang mga kinatawan ng social media platforms tulad ng Meta (Facebook), TikTok, at Google upang sagutin ang mga tanong ukol sa kanilang mga content moderation systems.
Inaasahang dadalo din sa pagdinig bukas ang mga opisyal mula sa Department of Information and Communications Technology (DICT), Department of Justice (DoJ), Cybercrime Investigation and Coordinating Center (CICC), National Bureau of Investigation (NBI), Philippine National Police (PNP), Bureau of Internal Revenue (BIR), at Anti-Money Laundering Council (AMLC). Gail Mendoza
